බදුල්ල දිස්ත්රික් සමගි ජනබලවේගයේ පාර්ලිමේන්තු මන්ත්රී චමින්ද විජේසිරිට බදුල්ල මහාධිකරණය විසින් වසර එකහමාරක සිරදඬුවම් නියම කළා.
අයුතු අවහිරය, පහරදී, තුවාල සිදුකිරීම, පොලිස් නිලධාරීන් දෙදෙනෙකුට මරණීය තර්ජනය කිරීම සහ තුවාල සිදුකිරීම යන චෝදනා සම්බන්ධයෙන් පාර්ලිමේන්තු මන්ත්රී චමින්ද විජේසිරි, ඔහුගේ රියදුරා සහ ඇමති ආරක්ෂක අංශයේ පොලිස් නිලධාරියෙකුට එරෙහිව පවරා තිබූ නඩුවක් විභාග කළ බදුල්ල මහාධිකරණය අද දිනයේ මෙම තීන්දුව ලබා දුන්නා.
පාර්ලිමේන්තු මන්ත්රී චමින්ද විජේසිරි සහ රියදුරු බන්දුල රත්නායක යන විත්තිකරුවන් දෙදෙනා චෝදනා 04කට සහ ඇමති ආරක්ෂක අංශයේ පොලිස් නිලධාරී රසික කරුණාතිලක චෝදනා 03ටත් වැරදිකරු බවට තීරණය කෙරුණා.
කෙසේ වෙතත් රියදුරු බන්දුල රත්නායක මියගගොස් ඇති බව මෙහිදී සඳහන් වුණා.
2019 වසරේ පෙබරවාරි 10 වනදා හෝ ඊට ආසන්න දිනක බණ්ඩාරවෙල නගරයේ වටරවුම අසල දී පාර්ලිමේන්තු මන්ත්රී චමින්ද විජේසිරි ඇතුළු පිරිස ජීප් රථවලින් ගමන් කරමින් සිටිය දී ඔහුගේ ජීප් රථය, පොලිස් ජීප් රථයක් විසින් ඉස්සර කරගෙන යාම සම්බන්ධයෙන් ඇති වූ බව කියන සිද්ධියක් මෙම නඩුවට මුල් වී තිබුණා.
