පාකිස්තානයේ අයිතිවාසිකම් උල්ලංඝනය වීම සම්බන්ධයෙන් පියවර ගන්නා ලෙස පෂ්තුන් ක්රියාකාරිකයෙකු ලෙස ප්රසිද්ධියක් උසුලන ෆසාල්-උර්-රෙහෙමාන් අෆ්රිඩි එක්සත් ජාතීන්ගේ මානව හිමිකම් කවුන්සිලයේ දී ඉල්ලා සිටියා.
විදෙස් මාධ්ය වාර්තා කරන්නේ UNHRC වෙතින් අෆ්රිඩි මෙම ඉල්ලීම සිදු කළේ මේ දිනවල (27) පැවැත්වෙන 59 වැනි සැසි වාරයට එක්වෙමින් බවයි.
පෂ්තුන් ප්රජාවට එරෙහිව පාකිස්තානය තුළ දිගින් දිගටම මානව හිමිකම් උල්ලංඝනය වීම් සිදුවන බවත් ඒ සම්බන්ධයෙන් තමන් දැඩි පිළිකුලෙන් යුතුව හෙළා දකින බව ද අෆ්රිඩි සඳහන් කර තිබෙනවා.
සමුළුවට සමගාමීව පැවති සාකච්ඡා අතරතුර, ඔහු පැරණි FATA කලාපයේ මෙන්ම කයිබර් පක්තුන්ක්වා හි ජනාවාස ප්රදේශවල ඩ්රෝන් ප්රහාර ඇතුළු අඛණ්ඩ මිලිටරි ආක්රමණ ගැන සාකච්ඡාවක් ඉස්මතු කිරීමට ද සමත් වුණා.
පෂ්තුන් ජනගහනය ඉලක්ක කරගත් ඩ්රෝන ප්රහාර 40කට වැඩි ප්රමාණයක් සිදු වූ බවත්, විශේෂයෙන් ළමුන්, කාන්තාවන් සහ වැඩිහිටියන් ඇතුළු සිවිල් වැසියන් රැසකට හානි සිදු වූ බවත් ඔහු සඳහන් කළා.
“අහිංසක පෂ්තුන් ජනතාවට එරෙහිව පකිස්ථාන හමුදාව විසින් සිදු කරන ලද මෙම කුරිරුකම් පිළිගැනීමට අපි ජාත්යන්තර ප්රජාවෙන් ඉල්ලා සිටිමු,” යනුවෙන් අෆ්රිඩි ජාත්යන්තරයෙන් ඉල්ලා සිටිනවා.
