රජයේ නිල ඉන්ධන QR කේතය ලබාගන්නා අන්තර්ජාල නිල වේදිකාව ලෙසටම සකසන ලද ව්යාජ වෙබ් අඩවි සම්බන්ධයෙන් තොරතුරැ වාර්තා වී ඇති බව ඛනිජ තෙල් සංස්ථාවේ කළමණාකාර අධ්යක්ෂ මයුර නෙත්තිකුමාරගේ පවසනවා.
අද (16) පෙරවරුවේ මාධ්ය හමුවක් පවත්වමින් කළමණාකාර අධ්යක්ෂවරයා මේ බව සඳහන් කළා.
පරිශීලකයන්ගේ පෞද්ගලික තොරතුරු ලබාගැනීම සඳහා නොමඟයවන සුළු ආකාරයෙන් අදාළ ව්යාජ වෙබ් අඩවි නිර්මාණය කර ඇති බව සඳහන් කළ කළමණාකාර අධ්යක්ෂවරයා, රජය විසින් ප්රසිද්ධියට පත්කර ඇත්තේ fuel pass.gov.lk යන වෙබ් අඩවිය පමණක් බවයි පැවසුවේ.
ඒ, අනුව ඉන්ධන අවසර පත්ර සැකසීමේ දී අවදානයෙන් කටයුතු කරන ලෙසයි ඔහු මහජනතට දැනුම් දෙන්නේ.
මේ අතර අද (16) උදෑසන වන විට ඉන්ධන රැගත් තවත් නෞකාවක් දිවයිනට පැමිණ ඇති බවත් එම නෞකාවේ ඉන්ධන අද දිනයේම ගොඩබෑමට කටයුතු සූදානම් කරන බවයි ඔහු වැඩිදුරටත් පැවසුවේ.
අද දිනයේ පැමිණි නෞකාවේ ඩීසල් මෙට්රික් ටොන් 18,000ක්, පෙට්රල් මෙට්රික් ටොන් 17,000ක් සහ සුපරී ඩීසල් මෙට්රික් ටොන් 3,000ක් අඩංගු බව ඔහු පවසා සිටියා.
