ප්රවීණ රංගන ශිල්පී ඥානාංග ගුණවර්ධන මහතා අභාවප්රාප්ත වී තිබෙනවා.
ඒ කොළඹ ජාතික රෝහලේ ප්රතිකාර ලබමින් සිටියදීයි.
මියයන විට ඔහුගේ වයස අවුරුදු 78ක්.
කළා විභූෂණ සම්මාන ලාභී රංගන ශිල්පියෙක් වන ඔහු කොළඹ ජාතික රෝහලේ දැඩිසත්කාර ඒකකයේ ප්රතිකාර ලබමින් සිටියදී මෙලෙස අභාවප්රාප්ත වී තිබෙනවා.
ඥානාංග ගුණවර්ධන මහතාගේ දේහය බොරැල්ලේ පෞද්ගලික මල්ශාවක හෙට (05) පෙරවරු 8.30 සිට තැන්පත් කර තිබෙන අතර අවසන් කටයුතු බොරැල්ල කනත්තේදී අනිද්දා (06) සෙනසුරාදා පස්වරු 3.00ට සිදුකෙරෙන බව සඳහන්.
ටෙලිනාට්ය දහසකට අධික සංඛ්යාවකට සහ චිත්රපට 100 කට අධික සංඛ්යාවකට රංගනයෙන් දායක වී ඥාානාංග ගුණවර්ධන මහතා ‘නෝනාවරුනේ මහත්වරුනේ, තට්ටු ගෙවල් සහ පුංචි වළව්ව’ යන ටෙලිනාට්යවලින් අතිශය ජනප්රියත්වයක් ලැබූවා.
