ශ්රී ලංකාවේ ප්රධාන රාජ්ය ආයතන 25ක් පුරා සයිබර් ආරක්ෂණ පියවර වේගවත් කිරීමට තීරණයක් ගෙන ඇති බව ඩිජිටල් ආර්ථික අමාත්යාංශය පවසනවා.
ඩිජිටල් ආර්ථික නියෝජ්ය අමාත්ය ඉංජිනේරු එරංග වීරරත්න ප්රකාශ කළේ මෙම ආයතන පසුගිය වසරේ පිහිටුවන ලද ජාතික සයිබර් ආරක්ෂණ මෙහෙයුම් මධ්යස්ථානය සමඟ ඒකාබද්ධ කරන බවයි.
ආයතන 37ක් පද්ධතියට සම්බන්ධ කිරීම සඳහා මීට පෙර කැබිනට් අනුමැතිය ලබා දී තිබුණද, මේ දක්වා සම්බන්ධ කර ඇත්තේ ආයතන 12ක් පමණක් බව නියෝජ්ය අමාත්යවරයා සඳහන් කළේ.
මේ අතර විදෙස් ණය වාරිකයක් ලෙස ගෙවූ ඇමරිකානු මිලියන 2.5ක මුදලක් හැකර්වරුන්ගේ අතට පත්වීමේ සිද්ධිය පිළිබඳ සිදුකරන පරීක්ෂණවල ප්රගතියක් පවතින බවයි නියෝජ්ය අමාත්යවරයා පවසන්නේ.
ඒ, පිළිබඳ පුළුල් විමර්ශනයක් ද මේ වනවිට සිදු කෙරෙන අතර, සිද්ධිය සම්බන්ධයෙන් නවතම තොරතුරු රැසක් අනාවරණය කරගෙන ඇති බවයි ඔහු වැඩිදුරටත් සඳහන් කර සිටියේ.
.
