ෂී ජින් පිං සහ එමානුවෙල් මැක්රොන් අතර පැහැදිලි සුහදතාවයක් තිබියදීත්, ප්රංශ ජනාධිපතිවරයාගේ සංචාරය බීජිංහි රාජ්ය තාන්ත්රික සහතික ශක්තිමත් කිරීමට වඩා වැඩි දෙයක් සිදුව නැතැයි ද ගාර්ඩියන් වෙබ් අඩවිය වාර්තා කරනවා.
බ්රහස්පතින්දා චීන අගනුවර පැවති හමුවෙන් පසු ජනගහනය වයස්ගත වීම, න්යෂ්ටික බලශක්තිය සහ පැන්ඩා සංරක්ෂණය වැනි ක්ෂේත්ර ආවරණය වන පරිදි සහයෝගීතා ගිවිසුම් 12 ක් පමණක් අත්සන් තැබුව ද මූල්යමය එකතුවක් අනාවරණය වුයේ නැහැ.
දිගු කලක් තිස්සේ අපේක්ෂාවෙන් පසු වූ ජෙට් එයාර් බස් 500ක ඇණවුමට ද මෙහිදී අත්සන් නොතැබු අතර එය නව බෝයිං බැඳීම් සඳහා බල කරන එක්සත් ජනපදය සමඟ වෙළඳ සාකච්ඡා වලදී චීනයට වාසියක් ලබා දෙනු ඇති.
ප්රංශ කොග්නැක් නිෂ්පාදකයින් හෝ ඌරු මස් නිෂ්පාදකයින් සඳහා කොන්දේසි ලිහිල් කිරීමට ද ෂී ජනාධිපතිවරයාට අපහසු වී ඇත්තේ චීන නිෂ්පාදිත විදුලි වාහන සඳහා තීරුබදු සම්බන්ධයෙන් බ්රසල්ස් සමඟ බීජිං හි සාකච්ඡා තවමත් අවසන් වී නොමැති බැවිනුයි.
චීනය මෑතකදී රුසියාවට සිය සහයෝගය නැවත තහවුරු කර ඇති හෙයින්, යුක්රේනයේ යුද්ධය සම්බන්ධයෙන් මැක්රොන් සමග එකඟතාවකට එළැඹීමට චීනයට නොහැකි වූවා.
ස්පාඤ්ඤයේ VI වන ෆෙලිපේ රජු සහ ජර්මානු මුදල් ඇමති ලාර්ස් ක්ලින්ග්බයිල්ගේ මෑත චීන සංචාර ද ඒ හා සමානව සාධනීය ප්රතිඵල අත්කර දුන්නේ නැහැ.
