අද (20) සිට ඉදිරි දින කිහිපයේ දිවයිනේ බොහෝ ප්රදේශවල සවස කාලයේ ගිඟුරුම් සහිත වැසි ඇතිවීමේ හිතකර වායුගෝල තත්ත්වයක් පවතින බව කාලගුණ විද්යා දෙපාර්තමේන්තුව දැනුම් දෙනවා.
දිවයිනේ බොහෝ ප්රදේශවල අද (20) දිනයේ සවස එකෙන් පමණ පසු තැනින් තැනවැසි හෝ ගිඟුරුම් සහිත වැසි අපේක්ෂා කළ හැකි බවයි එම දෙපාර්තමේන්තුවේ අනාවැකි අංශයේ අධ්යක්ෂ මෙරිල් මෙන්ඩිස් පැවසුවේ.
ඒ, අනුව මධ්යම, සබරගමුව, බස්නාහිර, උතුරු මැද සහ දකුණු පළාතේ ඇතැම් ස්ථානවලට අද (20) මි.මී 75ත් – මි.මී 100ත් අතර තද වැසි ඇතිවිය හැකි බවයි ඔහු වැඩිදුරටත් සඳහන් කළේ.
මෙම ගිඟුරුම් සහිත වැසි සමඟ කෙටි කාලයක් තුළ ප්රබල අකුණු සහ තද සුළං ඇතිවිය හැකි බව ද ඔහු දැනුම් දෙනවා.
එමෙන්ම මේ දිනවල පවතින වැසි තත්ත්වය ඉදිරි දින කිහිපය තුළ තවදුරටත් පැවතිය හැකි අතර, එය මේ දිනවල දහවල් කාලයේ පවතින උණුසුම් කාලගුණයට එය යම් තාවකාලික අස්වැසිල්ලක් බව ද ඔහු සඳහන් කළා.
මැයි මාසයේ මැද තෙක් මෙම කාලගුණ තත්ත්වය පැවතිය හැකි බවයි ඔහු වැඩිදුරටත් පැවසුවේ.
