පසුගිය වසර පහක කාලය තුළ ගල්ෆ් කලාපීය රටවලින් පාකිස්තානුවන් 164,000කට අධික සංඛ්යාවක් පිටුවහල් කර ඇති බව එරට ජාතික සභාවට (National Assembly) ඉදිරිපත් කරන ලද නිල දත්ත මගින් අනාවරණය වී තිබෙනවා.
‘දි එක්ස්ප්රස් ට්රිබියුන්’ (The Express Tribune) පුවත්පතට අනුව, මෙලෙස පිටුවහල් කරන ලද පිරිසෙන් බහුතරයක් සෞදි අරාබියෙන් වාර්තා වන අතර එම සංඛ්යාව 108,029ක්.
මීට අමතරව එක්සත් අරාබි එමීර් රාජ්යය (UAE) මගින් පාකිස්තානුවන් 40,497 දෙනෙක් ද, ඕමානයෙන් 9,814 දෙනෙක් ද පිටුවහල් කර තිබෙනවා.
එමෙන්ම කටාර් රාජ්යයෙන් 2,971 දෙනෙකු සහ කුවේට් රාජ්යයෙන් තවත් පිරිසක් මෙලෙස සිය රට වෙත හරහා එවා ඇති බව එම වාර්තා පෙන්වා දෙනවා.
දේශීය නීති රීති උල්ලංඝනය කිරීම්, වීසා කාලය ඉක්මවා රැඳී සිටීම සහ නීතිවිරෝධී ලේඛන භාවිතය වැනි කරුණු හේතුවෙන් මෙම පිටුවහල් කිරීම් සිදුව ඇති බව පාකිස්තාන අභ්යන්තර කටයුතු අමාත්යාංශය සඳහන් කරනවා.
කෙසේ වෙතත්, මෑතකාලීනව කලාපීය දේශපාලන නොසන්සුන්තා මධ්යයේ කිසියම් නිශ්චිත ප්රජාවන් ඉලක්ක කර ගනිමින් මෙම පිටුවහල් කිරීම් සිදුවන බවට සමාජ මාධ්ය ඔස්සේ පැතිර ගිය ප්රචාර අසත්ය බවත්, මෙය සත්කාරක රටවල නීතිමය රාමුවට අනුව සිදුවන සාමාන්ය ක්රියාවලියක් පමණක් බවත් අමාත්යාංශය අවධාරණය කර තිබෙනවා.
මෙම තත්ත්වය හමුවේ විදේශ රැකියා සඳහා යන පිරිස් වඩාත් සැලකිලිමත් විය යුතු බව බලධාරීහු පවසති.
