නොරොච්චෝලේ ලක්විජය ගල්අඟුරු විදුලි බලාගාරය යථා තත්ත්වයට පත් කිරීම අනිද්දා (13) දිනය වන විට හැකියාව පවතින බව ලංකා විදුලිබල මණ්ඩලය පවසනවා.
අනතුරුව ජාතික පද්ධතියේ විදුලිය සැපයුම කළමනාකරණය කිරීමට අවශ්යතවක් පැන නොනගින බවයි එම මණ්ඩලය සඳහන් කළේ.
මේ අතර අද (11) දිනයේත් පස්වරු 3.30 සිට රාත්රී 9.30 දක්වා කාලය තුළා විදුලි කප්පාදුවක් සිදුකිරීමට නියමිතයි.
දිවයින කලාප හතරකට වෙන්කර පැය 01යි විනාඩි 30ක කාලයක් මෙලෙස විදුලි කප්පාදුව සිදුකරනු ලබනවා.
ඒ, අනුව A, B, C සහ D යන කලාපවලට පස්වරු 3.30 සිට 5.30 දක්වා කාලය තුළ විදුලි කප්පාදුවක් සිදුකරනවා.
එමෙන්ම E, F, G, H, U සහ V කලාපවලට විදුලිය කප්පාදුව සිදුකරනු ලබන්නේ පස්වරු 5.00 ත් 7.00ත් අතර කාලය තුළයි.
I, J, K, L, P සහ Q යන කලාපවලට පස්වරු 6.30ත් 8.30ත් අතර කාලය තුළ විදුලිය විසන්ධි කෙරෙන අතර, R, S,T සහ W කලාපවලට විදුලි කප්පාදුව පස්වරු 8.00 සිට 9.30 දක්වා කාලය තුළ සිදුකරන බවයි විදුලිබල මණ්ඩලය සඳහන් කළේ.
