මෙවර අලුත් අවුරුදු නොනගතය ලැබූ මොහොතේ දී අතිශය ජනාකීර්ණ සහ වාහන බහුල ප්‍රදේශයක් වන කොළඹ – හයිලෙවල් මාර්ගයේ තරගයට මෝටර් රථ ධාවනය කරමින්, අපරික්ෂාකාරී ලෙස රිය ධාවනය කිරීමේ වරදට තරුණයින් පිරිසක් අත් අඩංගුවට ගැනීමට මේ වනවිට (15) පොලිස් විමර්ශන ආරම්භ වී තිබෙනවා.
මුහුණුපොතේ මෙම වාහන තරගයට විදුලි සංඥා පුවරුවක් ඉදිරිපිට දී ධාවනය කරවන ආකාරයයි දක්නට ලැබෙන්නේ.
අප්‍රේල් මස 13 වැනි දින රාත්‍රී 9ට පමණ මෙම සිදුවීම සිදු ව ඇත්තේ හෝමාගම – ගලවිලවත්ත ප්‍රදේශයේ දියි.
තවත් රථ වාහන මාර්ගයේ ධාවනය වෙමින් පැවති පසුබිමක දී මෙම සැකකාර තරුණයින් එක් ව සිය මෝටර් රථ අධික වේගයෙන් අපරික්ෂාකාරී ලෙස ධාවනය කරගෙන ගොස් තිබෙන බවයි වාර්තා වන්නේ.
දසත ප්‍රවෘත්ති අංශය මේ පිළිබඳ ව හෝමාගම පොලිස් ස්ථානාධිපතිවරයාගෙන් සිදු කළ විමසුමක දී ඔහු පැවසුවේ අදාළ සිද්ධිය සම්බන්ධයෙන් වගකිව යුතු සැකකරුවන් සොයා මේ වනවිට විමර්ශන ක්‍රියාත්මක බවයි.
wpDiscuz
