නීතිවිරෝධී ලෙස මෙරට රැදී සිටි ඉන්දුනීසියානු ජාතිකයන් 76 දෙනෙක් අද (20) දින පස්වරුවේ ආගමන විගමන දෙපාර්තමේන්තු විමර්ශන අංශයේ නිලධාරීන් පිරිසක්, එම දෙපාර්තමේන්තුවෙන් ලද බුද්ධි තොරතුරු මත මීගමුව, පෝරුතොට ප්රදේශයේ සංචාරක හෝටලයක් වටලා අත්අඩංගුවට ගෙන තිබෙනවා.
මොවුන් සංචාරක වීසා සහ ව්යාපාරික වීසා පහසුකම් යටතේ මෙරටට පැමිණ තිබූ අතර, ඉන් 36 දෙනෙක්ගේ වීසා කාලය කල් ඉකුත් වී තිබුණා.
ඉතිරි ඉන්දුනීසියානු ජාතිකයන් 40 දෙනා වීසා කොන්දේසි උල්ලංඝනය කරමින් නීතිවිරෝධී ලෙස මෙරට තුළ රැදී සිටින්නන් බවයි පැවසෙන්නේ.
මෙම ඉන්දුනීසියානු ජාතිකයන් වයස අවුරුදු 25 ත් 35 අතර පසුවන්නන් වන අතර ඔවුන් අතරින් 06 දෙනෙකු කාන්තාවන්.
මෙසේ අත්අඩංගුවට ගත් ඉන්දුනීසියානු ජාතිකයන් පිරිස, ආගමන විගමන පාළක ජනරාල් චමින්ද පතිරාජගේ උපදෙස් මත මේ වනවිට වැළිසර රැදවුම් මධ්යස්ථානයේ රදවා තබා ඇති අතර ඔවුන් කඩිනමින් මෙරටින් පිටුවහල් කිරීමට පියවර ගනිමින් සිටිනවා.
