නිවසේ නිතර නිතර ඇතිවන ප්රශ්න හේතුවෙන් සිත් තැවුලට පත් කාන්තාවක් තම බාල වයස්කාර දියණියන් තිදෙනාට වස දී මරා දැමීමේ සිද්ධියක් ඉන්දියාවේ මහාරාෂ්ට්ර ප්රාන්තයේ තානේ ප්රදේශයෙන් වාර්තා වනවා.
අපරාධය සිදුකළ 27 හැවිරිදි මව අත්අඩංගුවට ගෙන ඇති බවයි එරට මාධ්ය වාර්තා කළේ.
සන්ධ්යා සන්දීප් බෙරේ නැමැති සැකකාර මව පසුගිය 20 වනදා කෑමට සැකසූ “වරන් භාත්” (බත් සහ පරිප්පු ආහාරයක්) වලට වස මිශ්රකර එම ආහාර වයස අවුරුදු 05, 08 සහ 10 යන වයස්වල පසුවන ඇගේ දියණියන්ට කෑමට සලස්වා ඔවුන්ව ඝාතනය කර ඇති බවයි වාර්තා වන්නේ.
සැකකාර මව පළිබෝධනාශකයක් මෙලෙස ආහාරවලට මිශ්රකර ඇති අතර, එම ආහාර කෑමට ගත දියණියන් තිදෙනාට වමනය, කරකැවිල්ල ඇතුළු ඇතිවූ සංකූලතා හේතුවෙන් ඔවුන් තිදෙනාව වහාම ප්රාදේශීය රෝහලකට ඇතුළත් කර තිබෙනවා.
ඔවුන්ගේ තත්ත්වය බරපතළ වීමත් සමඟ, ඔවුන්ගෙන් දෙදෙනෙකු මුම්බායි හි රෝහලකට ඇතුළත් කර ඇති අතර,
එහිදී එම දැරියන් දෙදෙනා පසුගිය 24 සහ25 යන දිනවල මිය ගොස් ඇති බවයි වාර්තා වුණේ.
තවත් දැරියක් නාසික් හි රෝහලකට මාරු කරන යවා ඇති අතර, එම දැරිය ද පසුගිය 24 වන දින මිය ගොස් ඇති බව සඳහන්.
මෙම දැරියන්ගේ මරණ සම්බන්ධයෙන් ඊයේ (26) නිකුත් වූ මරණ පරීක්ෂණ වාර්තාවෙන් දරුවන්ගේ සිරුරුවල විෂ ඇති බව තහවුරු වූ බවයි පොලිසිය සඳහන් කළේ.
මරණ පරීක්ෂණ වාර්තාවත් සමඟ දරුවන්ගේ මව අද (27) අලුයම අත්අඩංගුවට ගෙන ඇති බවයි තොරතුරු වාර්තා වුණේ.
සැකකාර කාන්තාවගේ සැමියා මත්පැන් පානයට හුරුවී සිටින අයෙක්වන අතර, මේ හේතුවෙන් කාන්තාව දැරියන් තිදෙනා ද සමඟ සැමියාගෙන් වෙන් වී ජීවිත්ව ඇති බවයි අනාවරණය වී ඇත්තේ.
දියණියන් තිදෙනා රැකබලා ගැනීම දුෂ්කරවීමත් නිවසේ නිතර නිතර ඇතිවන ප්රශ්න හේතුවෙනුත් කලකිරීමට පත්ව තමන් මෙම අපරාධයට යොමු වූ බවයි සැකකාර මව පොලිසියට පවසා ඇත්තේ.
