විදේශ කටයුතු, විදේශ රැකියා සහ සංචාරක අමාත්ය විජිත හේරත් අද (14) නිල සංචාරයක් සඳහා තායිලන්තය බලා පිටත්ව යාමට නියමිතයි.
විජිත හේරත් අමාත්යවරයා මෙලෙස තායිලන්තයේ නිල සංචාරයක් සඳහා එක්වෙන්නේ තායිලන්ත කම්කරු අමාත්යවරයාගේ ආරාධනයකට අනුවයි.
මෙම සංචාරය අතරතුර දී ඔහු තායිලන්ත කම්කරු අමාත්යවරයා, සංචාරක අමාත්යවරයා සහ වැඩබලන විදේශ කටයුතු අමාත්යවරයා සමඟ සාකච්ඡා පැවැත්වීමට නියමිත බවයි වාර්තා වුණේ.
මෙම සංචාරය මඟින් සංචාරක හා රැකියා, සංක්රමණ සහ ශ්රමිකයන්ගේ සංචලතාව යන ක්ෂේත්රවල ප්රායෝගික සහයෝගීතාව වර්ධනය කිරීමටත්, ජනතාව අතර සබඳතා ශක්තිමත් කිරීමටත්, ශ්රී ලංකාව සහ තායිලන්තය අතර ද්විපාර්ශ්වික ආර්ථික සබඳතා වැඩිදියුණු කිරීමටත් අවස්ථාව සැලසෙනු ඇති.
