පවතින අයහපත් කාලගුණික තත්වය හමුවේ තවදුරටත් සැලකිය යුතු ඉහළ වර්ෂාවක් ලැබුණොත් නිල්වලා ගඟේ ගංවතුර ආරක්ෂක බැමි, ඇතැම් ස්ථානවලින් උතුරායෑමේ අවදානමක් මතුවන බවට වාරිමාර්ග දෙපාර්තමේන්තුව අනතුරු අඟවා තිබෙනවා.
මේ හේතුවෙන් මාතර මාලිම්බඩ, කඹුරුපිටිය, තිහගොඩ, අතුරලිය සහ අකුරැස්ස ප්රාදේශීය ලේකම් කොට්ඨාසවලට අයත් නිල්වලා ගඟ නිම්නයේ පහත් බිම් ප්රදේශවල විශාල මට්ටමේ ගංවතුර තත්වයක් ඇති වීමේ අවදානමක් පවතින බවටයි අනතුරු අගවන්නේ.
මේ වන විට පවතින අයහපත් කාලගුණය හමුවේ වැඩිම ජලගැලීම් වාර්තා වන්නේ මාතර දිස්ත්රික්කයෙන්.
වාරිමාර්ග දෙපාර්තමේන්තුව පවසන්නේ නිල්වලා ගඟේ ද්රෝණිය අවට පහත්බිම්වලට තවදුරටත් ගංවතුර පවතින අතර වර්ෂාව වැඩිවුවහොත් එය සුළු වශයෙන් වර්ධනය විය හැකි බවයි.
එබැවින් අකුරැස්ස, අතුරලිය, කඹුරුපිටිය, තිහගොඩ, මාලිම්බඩ සහ මාතර යන ප්රාදේශීය ලේකම් කොට්ඨාසවල ජනතාව අවධානයෙන් පසුවිය යුතු බව එම දෙපාර්තමේන්තුව ජනතාවට දැනුම්දී තිබෙනවා.
නිරිතදිග මෝසම සක්රීයවීමෙන් පවතින වැසි තත්වය හමුවේ දිවයිනේ දිස්ත්රික්ක 12කට තවදුරටත් බලපෑම් එල්ලවෙමින් පවතිනවා.
පවතින අයහපත් කාලගුණයෙන් දිස්ත්රික්ක 12ක පවුල් 13,627 කට අයත් පුද්ගලයින් 55,780ක් පීඩාවට පත්වී සිටින බවයි වාර්තා වන්නේ.
ආපදාවට ලක්වූ වැඩිම පුද්ගලයින් සංඛ්යාව ගම්පහ දිස්ත්රික්කයෙන් වාර්තාවන අතර එම සංඛ්යාව 41,951ක්.
