නියෝජ්ය අමාත්ය නලින් හේවගේ විසින් සමගි ජන බලවේගයේ මාතලේ දිස්ත්රික් පාර්ලිමේන්තු මන්ත්රිනී රෝහිණී කවිරත්නට සිදුකළ ප්රකාශයට සිය විරෝධය පළකරන බව ජාතික ජනබලවේගයේ පාර්ලිමේන්තු මන්ත්රිනී කෞශල්යා ආරියරත්න පවසනවා.
සිය නිල ෆේස්බුක් ගිණුමේ සටහනක් තබමින් ඇය මේ බව සඳහන් කළා.
එම සටහන මඟින් ඇය සදහන් කරන්නේ තමන් එම අවස්ථාවේ සභාගර්භයේ නොසිටිය ද විපක්ෂ මන්ත්රීවරියකට පාර්ලිමේන්තුව තුළ නොගැලපෙන ප්රකාශයක් සිදුකිරීම සම්බන්ධයෙන් ස්ත්රීවාදී මූලධර්ම වෙනුවෙන් පෙනී සිටින කාන්තාවක් ලෙස එයඅනුමත කළ නොහැකි බවයි.
නියෝජ්ය අමාත්ය නලීන් හේවගේ ඊයේ (22) දිනයේ පාර්ලිමේන්තුවේ සිදුකළ කතාව තුළ දී පාර්ලිමේන්තු මන්ත්රිනී රෝහිණී කවිරත්නට අපහාස වූ බවට සමගි ජන බලවේගයේ මන්ත්රී හර්ෂ ද සිල්වා දැඩි විරෝධයක් පළකර සිටියා.
එහිදී මන්ත්රීවරයා සඳහන් කළේ අදාළ ප්රකාශය වහාම හැන්සාඩ් වාර්තාවෙන් ඉවත් කළ යුතු බවයි.
ඊට ප්රතිචාර දක්වමින් ආණ්ඩු පක්ෂයේ ප්රධාන සංවිධායක අමාත්ය නලින්ද ජයතිස්ස සඳහන් කළේ නියෝජ්ය අමාත්ය නලීන් හේවගේ ප්රකාශයෙන් මන්ත්රීනී රෝහිනී කවිරත්නට කිසියම් අගතියක් වූවානම් එම ප්රකාශය හැන්සාඩ් වාර්තාවෙන් ඉවත් කිරීමට කටයුතු කරන බවයි.
මන්ත්රිනී කෞශල්යා ආරියරත්න සිය සමාජ මාධ්යයට එක්කර තිබූ සටහන පහතින්.
