බලුකිස්තානයේ, පාකිස්තාන සන්නද්ධ හමුදාවන් විසින් සිදු කරන බලහත්කාර අතුරුදන් කිරීම් සහ නීතිවිරෝධී ඝාතන මධ්‍යයේ, බලුච් නිදහස වෙනුවෙන් පෙනී සිටින, නිදහස් බලුකිස්තාන් ව්‍යාපාරය (FBM) එක්සත් ජනපදයේ විරෝධතා මාලාවක් ප්‍රකාශයට පත් කර තිබෙනවා.
අතුරුදන් වූවන්ගේ ජාත්‍යන්තර දිනයට සමගාමීව එක්සත් රාජධානිය, ජර්මනිය, නෙදර්ලන්තය සහ ඇමරිකා එක්සත් ජනපදයේ මෙම විරෝධතා පැවැත්වෙනු ඇති.
වසර ගණනාවක් පුරා පකිස්තාන හමුදා විසින් දහස් ගණන් බලුච් ක්‍රියාකාරීන්, සිසුන් සහ සිවිල් වැසියන් රඳවා තබා ගෙන අතුරුදන් කර ඇති බවට චෝදනා නැගෙනවා.
අගෝස්තු 30 වැනිදා එක්සත් රාජධානියේ, ජර්මනියේ සහ නෙදර්ලන්තයේ විරෝධතා පැවැත්වීමට නියමිත අතර, අගෝස්තු 31 වැනිදා ජර්මනියේ හැම්බර්ග් සහ ඇමරිකා එක්සත් ජනපදයේ වොෂින්ටන් ඩීසී හි විරෝධතා පැවැත්වීමට නියමිතයි.
බලහත්කාරයෙන් අතුරුදහන් වූවන්ගේ දුක් වේදනා පිළිබඳව ගෝලීය වශයෙන් දැනුවත් කිරීම සහ කලාපයේ සිදුවන මානව හිමිකම් උල්ලංඝනය කිරීම් සම්බන්ධයෙන් ජාත්‍යන්තර සංවිධාන සහ රජයන්ගේ මැදිහත් වීමක් ඉල්ලා සිටීම විරෝධතාවල අරමුණයි.
බලුකිස්තානයේ බලහත්කාරයෙන් අතුරුදහන් කිරීම් ඇතුළු මානව හිමිකම් කඩකිරීම් සම්බන්ධයෙන් පාකිස්තානයට මැදිහත් වී වගකියන ලෙස එක්සත් ජාතීන්ගේ සංවිධානය වැනි ජාත්‍යන්තර ආයතනවලින් ද නිදහස් බලුකිස්තාන් ව්‍යාපාරය ඉල්ලා සිට්නවා.
