සිය සේවා කාලය අවසන් කර ධුරයෙන් නික්ම යන ශ්රී ලංකාවේ ස්විට්සර්ලන්ත තානාපතිනි, ආචාර්ය සිරි වෝල්ට් (Siri Walt) සහ මෙරට අග්රාමාත්ය ආචාර්ය හරිනි අමරසූරිය අතර හමුවක් පැවැත්වුණා.
එම හමුවේ දී දෙරට අතර දිගුකාලීන මිත්රත්වය හා සහයෝගීතාව ශක්තිමත් කිරීම සඳහා ඇයගේ ධුර කාලය තුළ ලබාදුන් දායකත්වය අග්රාමාත්යවරිය අගය කර තිබෙනවා.
එමෙන්ම දෙරට අතර සහයෝගීතාව තවදුරටත් පුළුල් කිරීම පිළිබඳව, විශේෂයෙන් තාක්ෂණික හා වෘත්තීය අධ්යාපන සහ පුහුණු (TVET) ක්ෂේත්රය සම්බන්ධයෙන් මෙහිදී අවධානය යොමුව තිබෙනවා.
කර්මාන්ත ක්ෂේත්රය තුළ පවතින ශ්රම වෙළෙඳපොළ අවශ්යතාවලට ගැලපෙන සහ තරුණ තරුණියන්ගේ කුසලතා වර්ධනය කරන වෘත්තීය පුහුණු වැඩසටහන් දියුණු කිරීම පිළිබඳව සිරි වෝල්ට් සහ හරිනි අමරසූරිය අතර සාකච්ඡා වී තිබෙනවා.
ඔබේ ප්රතිචාරය කුමක්ද ?
+1
+1
+1
+1
+1
+1
+1
