සංචාරක ශ්රී ලංකා කණ්ඩායම සහ බටහිර ඉන්දීය කොදෙව් කණ්ඩායම අතර එක්දින තරගාවලියේ පළමු තරගයේ ජය වාර්තා කිරීමට කුසල් මෙන්ඩිස් ප්රමුඛ ශ්රී ලංකා කණ්ඩායම් සමත් වුණා.
ඒ කොදෙව් කණ්ඩායම ලකුණු 41කින් පරාජයට පත්කරමින්.
මෙරට වේලාවෙන් ඊයේ (03) රාත්රි 08.00 කිංස්ටන් හී ඇරඹි තරගයේ පළමුව පන්දුවට පහර දුන් ශ්රී ලංකාව නියමිත පන්දුවාර 50 තුළ කඩුලු 7ක් දැවී ලකුණු 303ක් රැස් කරගැනීමට සමත් වුණා.
ශ්රී ලංකාව වෙනුවෙන් ආරම්භක පිතිකරු පැතුම් නිස්සංක ලකුණු 79ක් සහ නායක කුසල් මෙන්ඩිස් ලකුණු 72ක් රැස්කර ගත්තා.
ඒ අනුව පිලිතුරු ඉනිම සඳහා පිටියට පිවිසි බටහිර ඉන්දීය කොදෙව් කණ්ඩායමට රැස්කර ගැනීමට හැකි වූයේ ලකුණු 262ක් පමණයි.
පන්දුවාර 49යි පන්දු 2කදී කොදෙව් ඉනිමි සියලු කඩුලු බිඳ හෙලීමට දුෂ්මන්ත චමීර ඇතුළු ශ්රී ලංකා පන්දු යවන්නන් සමත් වුණා.
දුෂ්මන්ත චමීර ලකුණු 67කට කඩුලු 4ක් බිද හෙලුවා.
තරගයේ වීරයා සම්මානය හිමිවූයේ කුසල් මෙන්ඩිස්ටයි.
දෙරට අතර දෙවන තරගය ලබන ඉරිදා ජැමෙයිකාවේදිම පැවැත්විමට නියමිතයි.
කවුරු කපන්න හැදුවත් වැඩක් නැහැ… පුද්ගලික ජීවිතේ මොනදේවත් පිට්ටනියට අදාළ නැහැ.. කුසල් හැම මැච් එකකම වැඩ පෙන්නනවා…