මෙරට දේශපාලන අස්ථාවර තත්වය හමුවේ අර්ථික තත්වය වඩාත් පහත මට්ටමකට වැටී ඇති මොහොතක ආර්ථික දුෂ්කරතාවලට මුහුණ දී සිටින මෙරට ගොවීන්ට සහය වීමට සහ අවදානම් කාණ්ඩයේ ළමයින්ට ආහාර ලබාදීම සඳහා නවසීලන්ත ඩොලර් 500,000ක මූල්‍යාධාරයක් පිරිනමන බව එරට විදේශ අමාත්‍යාංශය නිවේදනය කළා.
ට්විටර් පණිවුඩයක් නිකුත් කරමින් නවසීලන්ත විදේශ අමාත්‍යවරිය වන නනයියා මහුටා සටහන් කළේ එම මූල්‍යාධාරය ලෝක ආහාර වැඩසටහන සහ එක්සත් ජාතීන්ගේ ආහාර සහ කෘෂිකර්ම සංවිධානය හරහා ශ්‍රී ලංකාවට ලබාදෙන බවයි.
