ජාතික ආරක්ෂක විද්යාලයේ උපාධි ප්රදානෝත්සවය ඊයේ (18) ජෙනරල් ශ්රීමත් ජෝන් කොතලාවල ආරක්ෂක විශ්වවිද්යාලයේ දී පැවැත්වුණා.
එහි ප්රධාන ආරාධිත අමුත්තා ලෙස ආරක්ෂක ලේකම් විශ්රාමික එයාර් වයිස් මාර්ෂල් සම්පත් තුයියකොන්තා සහභගී වුණා.
එම අවස්ථාව එක් වූ ආරක්ෂක ලේකම්වරයාඅදහස් දක්වමින් ප්රකාශ කළේ ,වර්තමානයේ සාම්ප්රදායික හමුදා අභියෝග මෙන්ම, සයිබර් ආරක්ෂාව හා සබැඳි තර්ජන, දේශගුණික විපර්යාස ගැටළු, ආර්ථික සුරක්ෂිතතාවය සහ තොරතුරු තාක්ෂණය ඔස්සේ යුද්ධය සමඟ ඡේදනය වන පරිවර්තනීය යුගයක ජීවත් වෙමින් සිටින බවයි.
ඉන්දියන් සාගර කලාපය හරහා වැටි ඇති ගෝලීය සමුද්ර වාණිජ්යය සහ උපාය මාර්ගික තරඟකාරී මාර්ගයේ අතිශය වැදගත් සන්ධිස්ථානයක ශ්රී ලංකාව පිහිටා ඇති බව සඳහන් කළ ආරක්ෂක ලේකම්වරයා, ඒ අනුව රට හමුවේ ඇති ඉදිරි අභියෝගවලට සාර්ථකව මුහුණ දීමට සාම්ප්රදායිකත්වයෙන් ඔබ්බට සිතිය හැකි සහ නවීන ආරක්ෂක අභියෝගවල බහුමාන ස්වභාවය තේරුම් ගත හැකි හමුදා නායකයින් අවශ්ය බවයි පැවසුවේ.
මේ අතර එළඹෙන වසරේ සිට ජාතික ආරක්ෂක විද්යාලයේ පැවැත්වෙන පාඨමාලාව හැදෑරීම සඳහා සිවිල් අංශයේ නිලධාරීන්ට ද, දොරටු විවරවන බැවින්, ඒ ඔස්සේ සැළකිය යුතු පරිවර්තනයකට ලක් වනු ඇති බව ද ඔහු වැඩිදුරටත් පැවසුවා.
ජාතික ආරක්ෂාව යනු සාමූහික වගකීමක් වන බවත්, ඒ සඳහා සියලු පරිපාලන අංශවල මැදිහත්වීමක අවශ්යතාවය මෙම වැදගත් තීරණය ඔස්සේ පිළිබිඹු වන බවත් ඔහු මෙහිදී පෙන්වා දුන්නා.
ජාතික ආරක්ෂක විද්යාලයේ මෙම උපාධි ප්රදානෝත්සවයේ දී ත්රිවිධ හමුදාවේ සහ පොලිසියේ නිලධාරීන් 33 දෙනෙකුට සහ විදේශ නිලධාරීන් 08 දෙනෙකුට ආරක්ෂක ලේකම්වරයා විසින් උපාධි ප්රදානය කරනු ලැබුවා.
මෝටර බයිසිකල් වල කැමා ඇඳුම් ඇඳගෙන තුවක්කු අමෝරාගෙන රවුම් ගහන එක තමයි ලොකුම ආරක්ෂක උපක්රමය කියල හිතන ප්රධානීන් ගෙන් රජය බේරා ගත යුතුයි.