නවසීලන්තයට එරෙහිව ශ්‍රී ලංකා කාන්තාවන්ට විශිෂ්ඨ ජයක්

ICC කාන්තා විස්සයි විස්ස ලෝක කුසලානයේ නවසීලන්තය සමඟ ඊයේ (17) පැවති තරගය කඩුළු 05කින් ජය ගැනීමට ශ්‍රී ලංකා කාන්තා කණ්ඩායම සමත් වුණා.

තරගයේ කාසියේ වාසිය ජයග්‍රහණය කිරීමෙන් පසු පළමුවෙන් පන්දුවට පහරදුන් නවසිලන්ත කාන්තා කණ්ඩායම ල නියමිත පන්දුවාර 20 අවසානයේ කඩුළු 06ක් දැවී ලකුණු 150ක් රැස්කර ගත්තා.

ඒ අනුව 151ක ජයග්‍රාහී ඉලක්කයක් වෙනුවෙන් පිටියට පිවිසි ශ්‍රී ලංකා කාන්තා කණ්ඩායම පන්දුවාර 19.4ක් අවසානයේ කඩුළු 05ක් පමණක් දැවී ලකුණු 153ක් රැස්කර ගනිමින් තරගය ජයගත්තා.

ශ්‍රී ලංකා කණ්ඩායම ජයග්‍රහණය වෙත රැගෙන ගිය නිලක්ෂිකා සිල්වා නොදැවී ලකුණු 54ක් රැස්කර ගනු ලැබුවා.