නුවරඑළිය මහේස්ත්රාත් අධිකරණයේ නඩු භාණ්ඩ කාමරයේ තිබූ වටිනා දුරකථනයක් සොරකම් කර සිය පෙම්වතාට තෑගි දුන් අධිකරණ නිලධාරිනිය ජනවාරි 09 දක්වා රක්ෂිත බන්ධනාගාරයට නියම වී තිබෙනවා.
නුවරඑළිය මහේස්ත්රාත් අධිකරණයේ නඩු භාණ්ඩ කාමරයේ වටිනා දුරකථනයත් අස්ථානගත වීම සම්බන්ධව නුවරඑළිය පොලිසියට ලද පැමිණිල්ලකට අනුව සිදු කළ විමර්ශනයේ දී අනාවරණය වී ඇත්තේ නුවරඑළිය මහේස්ත්රාත් අධිකරණයේ නඩු භාණ්ඩ ගබඩාවේ සේවයේ නියුතු කාන්තාවක් නඩු භාණ්ඩයක් වන වටිනා ජංගම දුරකථනයක් සොරාගෙන සිය පෙම්වතාට තෑගි වශයෙන් ලබා දී ඇති බවයි.
නඩු භාණ්ඩ කාමරයේ වටිනා දුරකථනයක් අස්ථානගත වීම සම්බන්ධව පසුගිය (22) දින නුවරඑළිය පොලිසියට
නුවරඑළිය මහේස්ත්රාත් අධිකරණයෙන් ලැබුණු පැමිණිල්ලකට අනුව විමර්ශන ඇරඹුණා.
නිලධාරීන් විසින් දුරකතන දත්ත පරීක්ෂා කර ලබාගත් තොරතුරු අනුව අස්ථානගත වූ දුරකථනය භාවිතා කළ
පුද්ගලයා සොයාගෙන සිදුකළ ප්රශ්න කිරීම්වල දී අධිකරණයේ නඩු භාණ්ඩ ගබඩාවේ සේවය කරන සිය
පෙම්වතිය විසින් අදාළ දුරකථනය තමන්ට තෑගි වශයෙන් දුන් බවටයි හෙළි ව ඇත්තේ.
ඉන් අනතුරුව නඩු භාණ්ඩ කාමරයේ තිබූ වටිනා දුරකථනය සොරා ගත්තා යැයි පවසන කාන්තාව පොලිසිය විසින් අත්අඩංගුවට ගෙන ඊයේ (30) දින අධිකරණය වෙත ඉදිරිපත් කිරීමෙන් අනතුරුව සැකකාර කාන්තාව එළඹෙන ජනවාරි මස 09 වන දින දක්වා රක්ෂිත බන්ධනාගාර ගත කරන ලෙස නුවරඑළිය මහේස්ත්රාත් ප්රබුද්ධිකා ලංකාංගනී මෙනවිය නියෝගයක් ලබා දුන්නා.
