ධීවරයින්ට රජය විසින් ලබාදෙන ඉන්ධන සහනාධාරයේ සංශෝධනයක් සිදුකර තිබෙනවා.
ඒ, අනුව භූමිතෙල් භාවිත කරන ධීවරයින්ට දිනකට භූමිතෙල් ලීටර 15ක් බැගින් මාසයකට උපරිම දින 25ක් සඳහා ලීටරයකට රුපියල් 25 බැගින් ලබා දී තිබූ සහනාධාරය සංශෝධනය කිරීමටයි කැබිනට් මණ්ඩලය අනුමැතිය ලබා දී ඇත්තේ.
මෙම සංශෝධනය යටතේ භූමිතෙල් භාවිත කරන ධීවරයින්ට මාසිකව රුපියල් 9,375ක දීමනාවක් 2024‑11‑01 දින සිට ක්රියාත්මක වන පරිදි මාස 05ක කාලයක් සඳහා ලබාදීමට තීරණය කර තිබෙනවා.
කෙසේ වෙතත් ඩීසල් යාත්රා හිමිකරුවන් සඳහා දැනට ලබාදෙන සහනය පෙර පරිදිම ලබා දීමට කටයුතු කරන බවයි කැබිනට් මාධ්ය ප්රකාශක අමාත්ය නලින්ද ජයතිස්ස සඳහන් කළේ.
2024‑10‑01 දින සිට ක්රියාත්මක වන පරිදි මාස 06ක කාලසීමාවක් සඳහා ඉන්ධන වශයෙන් ඩීසල් භාවිත කරන ධීවර යාත්රා හිමිකරුවන්ට ඩීසල් ලීටරයකට රුපියල් 25ක ඉන්ධන සහනාධාරයක් ලබා දෙනවා.
කොච්චර සහනාධාර දුන්නත් මාළු ගිනීගණන්