බදුල්ල සිට බුදුක්කන්ද දක්වා පෙරේදා (4) සවස ධාවනය වෙමින් තිබු ශ්‍රී ලංගම බදුල්ල ඩිපෝවට අයත් බසයක ඉදිරී රෝදයක් ගැලවී ඉවතට විසිවී ඇති අතර බය පෙරළීමට ලක් නොවන සේ පාලනය කර ගැනීමට රියැදුරා සමත්ව තිබේ.
රියැදුරාගේ මේ ආරක්ෂක පියවර නිසා මෙම බසයේ ගමන් ගත් 40 ක් පමණ වූ මගීන්ට කිසිම අනතුරක් සිදුනොවීමද විශේෂත්වයකි. බදුල්ල මධ්‍යම බස් නැවතුම්පොළෙන් සවස 6.00 ට පමණ පිටත් වූ මෙම බස්රථය 6.20 ට පමණ සොරණාතොට මංසන්ධිය ප්‍රදේශයෙන් ධාවනය වෙමින් තිබියදී මෙම අනතුර සිදුව තිබේ.
බදුල්ල, බුදුගේස්කන්ද මාර්ගය කඳු හා බෑවුම් සහිත මාර්ගයකි. මෙවන් බස්රථ නිසි පරික්ෂාවකින් තොරව ධාවනයේ යෙදවීම නිසා මේ මගේ ජීවිතවලට දැඩි අවදානමක් ඇති වී තිබෙන බව මගීහු කියති.
බදුල්ල සිට මඩොල්සිම හරහා මැටිගහතැන්න දක්වා ධාවනය වෙමින් තිබූ බදුල්ල ඩිපෝවට අයත් ශ්‍රී ලංගම බරථයක් පසුගිය වසරේ ජනවාරි 9 වැනිදා මාළිගාතැනේදී මහා ප්‍රපාතයකට පෙරළී මගීන් 9 දෙනෙකු ජීවිතක්ෂයට පත්ව තවත් පිරිසක් බරපතළ තුවාල ලැබූ අතර එම අනතුරට හේතුවද කාර්මික දෝෂයක් බව ඒ පිළිබඳව කරන ලද පරික්ෂණයේදී අනාවරණය විය.
මෙම බස්රථය සඳහා විකල්ප බස් රථයක් ලබාදීමට ලංගම බලධාරිහු තවමත් අසමත් වී ඇති බව මිට්ටිගහතැන්න ගම්වැසියෝ පවසති.
