පසුගියද 9-12 වැනිදා පුස්තකාල ප්රලේඛන ශාලාවේ පැවැති දේශප්රේමී රැස්වීමට; ජනතා විමුක්ති පෙරමුණට සම්බන්ධ මාලිමා පක්ෂයේ ක්රියාකාරිකයින් පිරිසක් විසින් පහරදීමට අදාළ ව දේශප්රේමී ජාතික පෙරමුණ විසින් ඉදිරිපත් කරන ලද පැමිණිල්ල සහ කඩා කප්පල්කාරින්ගේ පැමිණිල්ල විභාග කිරීම අද (16) සිදු කෙරුණා.
ඒ අද (16) පෙරවරුවේ දෙපාර්ශ්වය ම කුරුඳුවත්ත පොලිසියට කැඳවීමෙන් මෙම පැමිණිල්ල විභාගයට ගැනුණා.
මෙම අවස්ථාවේ දී ඔවුන් පිළිබඳ ව මෙතෙක් මාධ්යයට නිරාවරණය නොවූ කරුණු රැසක් කුරුඳුවත්ත පොලිසියට ලබාදෙන බව නීතිඥ නුවන් බැල්ලන්තුඩාව මහතා පවසා සිටියා.
එදා එම රැස්වීමට පැමිණීමට විවෘත ආරාධනාවක් තිබුණු බවට ජනතා විමුක්ති පෙරමුණේ යැයි චෝදනා ලැබ සිටින කඩාකප්පල්කාරී කණ්ඩායම පොලිසිය හමුවේ ප්රකාශ කළ බවයි අප දසත වාර්තාකරු පැවසුවේ.
කෙසේවෙතත් එම අවස්ථාවේ නුවන් බැල්ලන්තුඩාව විසින් පෙන්වාදෙනු ලැබුවේ අනුර කුමාර මහතා සහ දේශපාලන පක්ෂ විවේචනය කිරීම හේතුවෙන් මෙලෙස ගැටුම් ඇති වූ බවයි.
