රුපියල් දෙකෝටි පනස් ලක්ෂයක් වටිනා කුෂ් මත්ද්රව්ය තොගයක් රැගෙන ආ විදේශික යුවළක්, කටුනායක ගුවන් තොටුපොළ පැමිණීමේ පර්යන්තයේ කිසිවක් ප්රකාශ කිරිමට නොමැති හරිත මාවත ඔස්සේ පිටතට රැගෙන යාමට තැත් කරමින් සිටියදී, රේගු මත්ද්රව්ය පාලන අංශයේ නිලධාරීන් පිරිසක් විසින් අත්අඩංගුවට ගෙන තිබෙනවා.
මොවුන් ඉන්දීය ජාතික විවාහක යුවළක් බවයි වාර්තා වන්නේ.
සැකකාර සැමියා 32 හැවිරිදි අයෙක් වන අතර බිරිඳ 29 හැවිරිදි අයෙක්.
ඔවුන් ඩුබායි සහ ඉන්දියාව අතර ව්යපාරික කටයුතුවල නිරත වී සිටින්නන් බව රේගු නිලධාරීන් මූලික විමර්ශනවල දී අනාවරණය කරගෙන තිබෙනවා.
සැකකරුවන් මෙරටට ගෙන ආ කිලෝග්රෑම් 02යි ග්රෑම් 400ක් බරැති කුෂ් මත්ද්රව්ය තොගය, පිටතට එහි ගන්ධය නොපැතිරෙන ආකාරයට පොලිතීන් ආවරණ යොදා ඇසුරුම් කර, ඒවා ලී පෙට්ටි තුළ අසුරා, ඒ මත රෙදි ආවරණයක් සිදු කර, ඒවා මත මත්ද්රව්ය ඉවකර හඳුනා ගන්නා සුනඛයන් නොමග යැවීම සඳහා කපුරු කුඩුකර ආලේප කර තිබියදී සොයා ගැනුණා.
මෙම මත්ද්රව්ය ඇසුරුම්, ඔවුන් විසින් රැගෙන ආ ගමන් මළු දෙකෙහි, දෙපස ඉතා සූක්ෂ්ම ලෙස ගම් යොදා අලවා, යළිත් ඇණ ගසා, තවදුරටත් ගමන් මළු තුළ සොයාගත නොහැකි වන ආකාරයට සකස් කර තිබී ඇති බවයි පැවසෙන්නේ.
සැකකරුවන් මත්ද්රව්ය තොගය ද රැගෙන අද (17) දින දහවල් 11.10 ට තායිලන්තයේ බැංකොක් නුවර සිට , තිබුණා.
අත්අඩංගුවට ගත් මොවුන් දෙදෙනා සහ ඔවුන් රැගෙන ආ මත්ද්රව්ය තොගය වැඩිදුර විමර්ශන කටයුතු සඳහා කටුනායක ගුවන් තොටුපොළ පොලිස් මත්ද්රව්ය කාර්යාංශයේ නිලධාරීන් වෙත භාරදීමට පියවර ගෙන ඇති බවයි පැවසෙන්නේ.
