බංග්ලාදේශය, ශ්රී ලංකාව සහ නේපාලය ඇතුළු අසල්වැසි රටවල මෑත කාලීන දේශපාලන අස්ථාවරත්වය සහ ව්යවස්ථා විරෝධී පාලන තන්ත්ර වෙනස්කම් සිදුවුයේ “දුර්වල පාලනය” නිසා බව ඉන්දීය ජාතික ආරක්ෂක උපදේශක අජිත් දෙවාල් පවසනවා.
මෙම රටවල ප්රජාතන්ත්රවාදය සහ ආයතනික නොවන පාලන ක්රම මගින් තමන්ගේම ගැටළු රාශියක් නිර්මාණය වී ඇති බවයි ඔහු පවසන්නේ.
නව දිල්ලිහිදී පැවති අනුස්මරණ දේශනයකට ඊයේ (31) එක්වෙමින් ඉන්දීය ජාතික ආරක්ෂක උපදේශකවරයා මේ බව සඳහන් කළා.
දේශපාලන ස්ථාවරත්වයේ තීරණාත්මක සාධකය පාලනය බව සඳහන් කළ ඔහු, මහා අධිරාජ්යයන්, රාජාණ්ඩු, කතිපයාධිකාරීන්, වංශාධිපතියන් හෝ ප්රජාතන්ත්රවාදයන්ගේ නැගීම සහ වැටීම පාලනයේ ඉතිහාසයන් බවයි සඳහන් කර සිටියේ.
ආර්ථික අසාර්ථකත්වයන්, ආහාර හා ජල හිඟය, උද්ධමනය, පීඩාකාරී බදු සහ සමාජ ගැටුම් රාජ්ය අසාර්ථකත්වයන් පිටුපස ඇති ප්රධාන හේතු බව ඔහු මෙහිදී පෙන්වා දුන් අතර, පාලනය ජාතීන් සහ බලවත් රාජ්යයන් නිර්මාණය කරන බවත් ආයතන ගොඩනඟන සහ පවත්වාගෙන යන ජනතාවගේ භූමිකාව වැදගත් බවත් පැවසුවා.
එමෙන්ම වර්තමානයේ රාජ්ය පාලනයන් වෙත නැගී එන ප්රධාන අභියෝගය වී ඇත්තේ වැඩිවන අවශ්යතා හමුවේ පොදු මිනිසා තෘප්තිමත්ව තබාගැනීම බවයි ඔහු මෙහිදී වැඩිදුරටත් සඳහන් කළේ.
මේ අතර ජාතියක් ගොඩනැගීමේ දී සහ ජාතියක් සුරක්ෂිත කිරීමේ දී රටක පාලන තන්ත්රය විසින් වැදගත් කාර්යයභාරයක් ඉටු කරන බව ඔහු එහිදී වැඩිදුරටත් අදහස් දක්වමින් පවසා සිටියා .
wpDiscuz
