දුරකථනයක් හමුවීම නිසා මන්ත්‍රී බදියුදීන්ට සිදු වු දේ

රිමාන්ඩ් භාරයේ පසුවන පාර්ලිමේන්තු මන්ත්‍රී රිෂාඩ් බදියුදීන් මහතා සතුව තිබූ ජංගම දුරකථනයක් සොයාගැනීමට බන්ධනාගාර නිලධාරීන් ඊයේ (01) දින සමත්ව තිබෙනවා

බන්ධනාගාර කොමසාරිස් මාධ්‍ය ප්‍රකාශක චන්දන ඒකනායක මහතා අද දින මාධ්‍ය අමතමින් ප්‍රකාශ කර සිටියේ මැගසින් බන්ධනාගාරයේ රිෂාඩ් බදියුදීන් මන්ත්‍රීවරයා රඳවා ඇති සිර මැදිරිය අසලට යන විට ඔහු දුරකථන ඇමතුමක සිටි බව බන්ධනාගාර නිලධාරීන් දැක ඇති බවයි.

නිලාධාරීන් දුටුවිට එම දුරකථනය සිර මැදිරියේ කවුළුවෙන් පිටතට විසි කිරීමට මන්ත්‍රීවරයා කටයුතු කළද එම ජංගම දුරකථන බන්ධනාගර නිලධාරීන් විසින් අත්අඩංගුවට ගෙන තිබෙන බවත් වැඩිදුර පරීක්ෂණ සඳහා එය බුද්ධි අංශ වෙත ලබා දී ඇති බවත් චන්දන ඒකනායක මහතා පවසනවා

බන්ධනාගාර ආඥා පනත යටතේ රැඳවුම්කරුවෙක් සන්තකේ තිබිය නොහැකි භාණ්ඩයක් තබා ගැනීමේ වරද හේතුවෙන් මන්ත්‍රී රිෂාඩ් බදියුදීන් මහතාව බන්ධනාගාර විනිශ්චය මණ්ඩලයක් හමුවට කැඳවීමට නියමිත බවයි වැඩිදුරටත් ඔහු පවසා සිටින්නේ.

බන්ධනාගාර කොමසාරිස් මාධ්‍ය ප්‍රකාශක චන්දන ඒකනායක මහතා