නවීන හා තිරසර දුම්රිය ප්රවාහන පද්ධතියක් ස්ථාපිත කිරීමේ අරමුණින්, නව දුම්රිය මාර්ග ඉදිකිරීම්, ද්විත්ව මාර්ග ඉදි කිරීම, සංඥා පද්ධති වැඩි දියුණු කිරීම සහ දුම්රිය මාර්ග විද්යුත්කරණය කිරීම කේන්ද්ර කරගත් දුම්රිය සංවර්ධන වැඩසටහන් කිහිපයක් රජය විසින් ආරම්භ කර තිබෙනවා.
ඒ අනුව, ප්රවාහන ධාරිතාව වැඩි දියුණු කිරීම්, ගමන් කාලය අඩු කිරීම සහ පරිසර හිතකාමී හා තිරසර මහජන ප්රවාහන සේවාවකට සහාය වීමේ අරමුණින් අධික මගී ඝනත්වයක් පවතින කොරිඩෝවන්හි දුම්රිය මාර්ග විද්යුත්කරණය කිරීමට හඳුනාගනු ලැබ තිබෙනවා.
එම සංවර්ධන කටයුතු රටේ දිගුකාලීන ප්රවාහන නවීකරණ උපාය මාර්ගයේ කොටසක් ලෙස ජාත්යන්තර සංවර්ධන ආයතනවල සහාය ඇතිව ක්රියාත්මක කිරීමට අපේක්ෂා කරනවා.
ඒ, අනුව පහත සඳහන් දුම්රිය මාර්ග විද්යුත්කරණය සහිතව ඉදිකිරීම සඳහා අවශ්ය පියවර ගැනීමට අමාත්ය මණ්ඩලයේ අනුමැතිය හිමි වූ බවයි කැබිනට් මාධ්ය ප්රකාශක අමාත්ය නලින්ද ජයතිස්ස පැවසුවේ.
ප්රධාන මාර්ගය – ගම්පහ, වේයන්ගොඩ, මීරිගම සහ පොල්ගහවෙල යන දුම්රිය ස්ථාන ගොඩනැගිලි සංර්වර්ධනය ද ඇතුළුව මරදාන සිට රාගම දක්වා දුම්රිය මාර්ගය.
කැලණි වැලි මාර්ගය – මරදාන සිට මාකුඹුර දක්වා දුම්රිය මාර්ගය.
මුහුදුබඩ මාර්ගය – මරදාන සිට පානදුර දක්වා දුම්රිය මාර්ගය
