බදුල්ල – මහියංගනය ප්රධාන මාර්ගයේ දුන්හිඳ ප්රදේශයේ දී බස් රථයක් මාර්ගයේ පෙරළීයාමෙන් ඊයේ (21) මාරාන්තික අනතුරක් සිදුවුණා.
බණ්ඩාරවෙල ප්රදේශයේ විනෝද චාරිකාවක් පැමිණි පිරිසක් රැගත් බස් රථයක් මෙලෙස අනතුරට ලක්ව තිබුණා.
අනතුරින් තිදෙනෙක් ජීවිතක්ෂයට පත්ව තවත් 34 දෙනෙකු තුවාල රෝහල් ගත කෙරුණා.
මේ අතර මෙම අනතුරින් මියගිය තිදෙනා අතර පාසල් දැරියක් ද සිටින බවයි වාර්තා වුණේ.
14 හැවිරිදි වියේ පසු වූ මෙම දැරිය එප්පාවල, බටුවත්ත, මීගස්සෑගම ප්රදේශයේ පදිංචිව සිට තිබෙනවා.
සිහත්මා දිනාරා නැමැති මෙම දැරිය දියණියන් පස්දෙනෙකුගෙන් යුත් පවුලේ බාලම දියණිය බවයි වාර්තා වුණේ.
මෙම දැරිය සිය මව සමඟ මෙම විනෝද චාරිකාව සඳහා පැමිණ ඇති අතර, ඇයගේ මව අනතුරින් සුළු තුවාල ලබා තිබෙනවා .
මේ අතර දසත නිවුස් වාර්තාකරු සඳහන් කළේ අද (22) පස්වරුව වන විටත් දැරියගේ දේහය නිවසට ගෙන විත් නොතිබූ බවයි.
මේ අතර මෙම අනතුරින් මියගොස් ඇති අනෙක් දෙදෙනා වන්නේ, තඹුත්තේගම ප්රදේශයේ පදිංචිව සිටි කුසුමාවතී නැමැති 66 හැවිරිදි තිදරු මවක් සහ එම ප්රදේශයේම පදිංචිව සිටි ජයතිස්ස නැමැති 42 හැවිරිදි දෙදරු පියෙක්.
