දශක තුනක් තිස්සේ මෙරට පැවති L.T.T.E ත්රස්තවාදය පරාජයට පත් කර අදට (18) වසර 14ක් සපිරෙනවා.
ඒ හේතුවෙන් රණවිරු සැමරුම් උත්සවය හෙට (19) පස්වරු 4.00ට ජනාධිපති රනිල් වික්රමසිංහ මහතාගේ ප්රධානත්වයෙන් බත්තරමුල්ල රණවිරු සැමරුම අභියසදී පැවැත්වීමට නියමිතව තිබේ.
2009 වසරේ මැයි 18 වනදා නන්දිකඩාල් කලපුවේදී L.T.T.E නායක වේලුපිල්ලේ ප්රභාකරන් අභීත රණවිරුවන් අතින් ජීවිතක්ෂයට පත්වීමත් සමඟ එතෙක් පැවති කුරිරු යුද්ධය නිමාවට පත් කෙරුණා.
එම ජයග්රහණය වෙනුවෙන් යුද හමුදා , ගුවන්හමුදා , නාවිකහමුදා , පොලිසිය සහ සිවිල් ආරක්ෂක බලකායේ වීරෝධාර රණවිරුවන් විසි අට දහසකට (28000) ආසන්න ප්රමාණයක් මව්බිමේ නිදහස වෙනුවෙන් දිවි පිදූවා.
ලොව විශාලතම මානුෂිය මෙහෙයුම මඟින් ප්රාණ ඇපයේ සිටි සිවිල් වැසියන් දහස් ගණනක් එල්.ටී.ටී.ඊ ග්රහණයෙන් මුදාගැනිමේ ගෞරවය ද මෙරට ආරක්ෂක අංශ වෙත හිමි වේ.
ඒ වගේම විසි හත් දහසකට (27000) අධික පිරිසක් සටනේදී ආබාධිත තත්ත්වයට පත් වුණා.
රට වෙනුවෙන් දිවි දුන් රණවිරුවන්ට සහ රට වෙනුවෙන් අබාධිත වූ සියළු රණවිරුවන්ට අපගේ උත්තමාචාරය.
