චීන භූමියට දකුණින් පිහිටි ජනප්රිය සංචාරක දූපතක් දශකයේ ප්රබලතම සුළි කුණාටුවට මුහුණ දී තිබෙනවා.
එම භූමි ප්රදේශයට ව්යසනකාරී සුළං සහ ධාරානිපාත වර්ෂාවක් ඇද හැලී ඇති බවයි විදෙස් මාධ්ය වාර්තා කරන්නේ.
අද (06) දිනයේ මෙම සුළි කුණාටුව පැමිණ ඇති අතර එය පැයට කිලෝ මීටර් 223 ක වේගයෙන් හයිනාන් දූපතේ ඊසාන දෙසින් පිහිටි වෙන්චැං නගරයට කඩා වැදී තිබෙනවා.
පුද්ගලයන් 46 දෙනෙකුට මරු කැඳවමින් 2014 දී පැමිණි රම්මසුන් සුළි කුණාටුවට පසුව හයිනාන්ට වෙත කඩා වැදුණු දරුණුතම සුළි කුණාටුව යාගි සුළි කුණාටුව බවයි විදෙස් මාධ්ය වාර්තා කරන්නේ.
කාලගුණ විද්යාඥයින් පවසන්නේ යාගි චීනයේ වැඩිම ජනගහනයක් සහිත පළාත වන හයිනාන් සහ අසල්වැසි ගුවැන්ඩොං හි ව්යසනකාරී හානියක් සිදු කළ හැකි බවයි.
බලධාරීන්ගේ නියෝගයෙන් සියලුම සංචාරක ආකර්ෂණ ස්ථාන වසා දැමීමට තීරණය කර ඇති අතර දශකයක් තුළ එහි දකුණු වෙරළ තීරයට පහර දෙන ප්රබලතම සුළි කුණාටුව යාගි බවයි චීන බලධාරීන් විශ්වාස කරන්නේ.
ඊයේ(05) සිට කලාපයේ ඇතැම් ප්රදේශවලට අධික වර්ෂාපතනයක් සහ තද සුළි කුණාටු තත්ත්වයක් පැවතී ඇති අතර චීනයේ කාලගුණ අධිකාරිය අපේක්ෂා කරන්නේ පවතින වර්ෂාපතනය මිලිමීටර් 500 දක්වා ඉහළ යනු ඇති බවයි.
