යටියන්තොට පොලිස් වසමේ හැටන් කොළඹ මාර්ගයේ තණකොලවත්ත ප්රදේශයේ දී කොළඹ දෙසට ධාවනය වූ සංචාරකයින් පිරිසක් රැගත් බස් රථයක් රියැදුරුට පාලනය කරගත නොහැකිව මාර්ගයෙන් ඉවතට පැන විදුලි රැහැන් කණුවක ගැටී දරුණු අනතුරක් සිදුව තිබෙනවා.
මෙහිදී බස් රථය මාර්ගය අයිනේ රැඳී සිටි කාන්තාවකගේ සහ ඇයගේ දරුවන් තිදෙනාගේ ද ගැටී ඇති බවයි පොලිසිය සඳහන් කළේ.
ඊයේ (20) පස්වරුවේ සිදු වූ මෙම අනතුරින් කාන්තාව එම ස්ථානයේදීම ජීවිතක්ෂයට පත්ව ඇති අතර දරුවන් තිදෙනා තුවාල ලබා කරවනැල්ල රෝහලට ඇතුළත් කර තිබෙනවා.
එලෙස රෝහල් ගත කළ දරුවන් තිදෙනාගෙන් දරුවන් දෙදෙනෙක් වැඩිදුර ප්රතිකාර සඳහා කොළඹ ජාතික රෝහලට හා රිජ්වේ ආර්යා ළමා රෝහලටත් මාරුකර යවා ඇති බවයි වාර්තා වන්නේ.
මියගිය කාන්තාව අවුරුදු 45ක යටියන්තොට, තණකොළවත්ත ප්රදේශයේ පදිංචිකාරියක්.
යටියන්තොට පොලිසිය අනතුර සම්බන්ධයෙන් වැඩිදුර විමර්ශන සිදුකරනවා.
