පාර්ලිමේන්තු මන්ත්රී දයාසිරි ජයසේකර මහතා ඉන්ධන ආනයනය පිළිබඳව ඊයේ කළ ප්රකාශය තරගයේ ප්රතික්ෂේප කරන බවත් ඒ මහතාට එරෙහිව නීතිමය කටයුතු කරන බවත් ලංකා ඛනිජ තෙල් සංස්ථාව නිවේදනයක් නිකුත් කරමින් පවසයි.
දයාසිරි ජයසේකර මහතා සිදු කළ ප්රකාශය සහ සියලු කරුණු අසත්ය, පදනම් විරහිත මෙන් ම සිතාමතා ජනතාව තුළ වෛරයක් ඇති කිරීමට කළ ප්රකාශයක් බවයි ලංකා ඛනිජ තෙල් සංස්ථාව නිකුත් කල නිවේදනයේ දැක්වෙන්නේ.
සංස්ථාව ඉන්ධන ආනයනයේදී සැම විට ම ටෙන්ඩර් ක්රමය සහ රජයේ අනුමත ප්රසම්පාදන ක්රියාවලිය අනුගමනය කරන අතර ප්රමිතිය තහවුරු කර අවම මිල ගණන් ඔස්සේ එම ප්රසම්පාදන ක්රියාවලිය සිදු කර ඇති බව ලංකා ඛනිජ තෙල් නීතිගත සංස්ථාව නිකුත් කළ නිවේදනයේ සඳහන් වේ.එලෙස සිදු කළ ප්රකාශ සම්බන්ධයෙන් ඉදිරියේදී දයාසිරි ජයසේකර මහතාට එරෙහිව නීතිමය කටයුතු සිදු කරන බව ත් පසුගිය දිනවල සිදු කළ මෙවැනි ම අසත්ය ප්රකාශවලට එරෙහිව ද නීතිමය පියවර ගන්නා බවයි එම නිවේදනයේ වැඩිදුරට ත් සඳහන් කර ඇත්තේ,
මෙරටට පෙට්රල්, ඩීසල් හෝ භූමිතෙල් ආනයනය කිරීමට ඉදිරිපත් නොවූ කොරල් එනර්ජි ඩී.එම්.සී.සී. නම් පෞද්ගලික සමාගම වර්තමාන අමාත්යවරයා පත් වීම ත් සමග මෙරටට තෙල් ගෙන ඒමට කටයුතු කළ බව ත් එම සමාගමට මුල්කාලීනව ලියාපදිංචියක් හෝ නොතිබූ බව ත් ශ්රී ල.නි.ප. මහ ලේකම් නීතිඥ දයාසිරි ජයසේකර මහතා ඊයේ (ඔක්.5) පැවති මාධ්ය හමුවකදී ප්රකාශ කර තිබිණි.
