පොසොන් පොහොය දින මාලබේ නගරයේ පැවති දන්සලක් අසල දී තරුණයෙක්ට පිරිසක් විසින් අතින් පයින් සහ ආරක්ෂක හිස් වැසුම් වලින් පහර දෙන වීඩියෝවක් සමාජ මාධ්යයේ සංසරණය වුණා.
මේ සම්බන්ධයෙන් ඊයේ (30) දින මාලබේ පොලිස් ස්ථානයට ලද පැමිණිල්ලකට අනුව විමර්ශන ආරම්භ කර සිද්ධියට සම්බන්ධ සැකකරුවන් 05 දෙනෙකු අත්අඩංගුවට ගෙන තිබෙනවා.
සැකකරුවන් අවුරුදු 16 සහ 17 යන වයස්වල පසුවන කඩුවෙල ප්රදේශයේ පදිංචිකරුවන් බවයි පොලිසිය සඳහන් කළේ.
මාලබේ නගරයේ සංවිධානය කල බත් දන්සලක ආහාර ගැනීමට යන පෝලිමක සිටි අයෙක් විසින් එම පෝලිමට පිටතින් එකතු වීමට පුද්ගලයින් දෙදෙනෙක් උත්සාහ කිරීමේදී එයට විරුද්ධව වීම හේතුවෙන් මෙම ගැටුම ඇති වී ඇති බව දැනට කරන ලද විර්මශනයේදී අනාවරණය වී තිබෙනවා.
අත්අඩංගුවට ගත් සැකකරුවන් අද දින කඩුවෙල මහේස්ත්රාත් අධිකරණය වෙත ඉදිරිපත් කිරීමට නියමිතයි.
සිද්ධියට සම්බන්ධ අනෙක් සැකකරුවන් අත්අඩංගුවට ගැනීම සඳහා මාලබේ පොලිසිය වැඩිදුර විමර්ශන සිදු කරනවා.
