පන්දුවාර 20 ලෝක කුසලාන ක්‍රිකට් තරගාවලියේ ශ්‍රී ලංකාව සමග පැවති තරගයෙන් දකුණු අප්‍රිකාවට කඩුලු 4ක ජයක් හිමිවුණා.
තරගය ජය ගැනීමට දකුණු අප්‍රිකාවට හිමිව තිබු ඉලක්කය ලකුණු 143ක්.
තරගයේ කාසියේ වාසිය දිනූ දකුණු අප්‍රිකාවේ ආරාධනය මත පළමුවෙන් පන්දුවට පහරදුන් ශ්‍රී ලංකා කණ්ඩායම නියමිත පන්දුවාර 20 අවසානයේ සියලුදෙනා දැවී ලකුණු 142ක් රැස් කළා.
අගනා පිතිහරඹයක නිරත වූ ආරම්භක පිතිකරු පැතුම් නිස්සංක පන්දු 58කින් ලකුණු 72ක් ලබාගත්තා.
ඒ හයේ පහර 3ක් සහ හතරේ පහර 6ක් සමගින්.
චරිත් අසලංක ලකුණු 21යි. දසුන් ශානක ලකුණු 11ක් සහ කුසල් පෙරේරා ලකුණු 7ක් රැස් කළා.
පන්දු යැවීමේදී ටබ්රාසික් ශම්සි සහ ඩ්වේයින් ප්‍රිටෝරියස් කඩුලු 3 බැගින් බිඳහෙලුවා.පිළිතුරු ඉනිම වෙනුවෙන් පන්දුවට පහරදුන් දකුණු අප්‍රිකාව පන්දුවාර 19යි පන්දු 5ක් අවසානයේ කඩුලු 9ක් දැවී ජයග්‍රාහී ඉලක්කය පසු කළා.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
1
