ටෙස්ට්, එක්දින සහ විස්සයි විස්ස යන තරග ආකෘති තුනෙන්ම ශ්‍රේණිගත කිරීම්වල පෙරමුණට පැමිණීමට ප්‍රබල ඉන්දීය කණ්ඩායමට මේ වනවිට හැකියාව ලැබී තිබෙනවා.
ඒ, අනුව 2012 වසරේ දකුණු අප්‍රිකානු කණ්ඩායමට පසු මෙම මට්ටමට පැමිණි ලොව දෙවැනි කණ්ඩායම බවට ඉන්දියාව සමත් වුණා.
ඕස්ට්‍රේලියාව සමඟ තරග තුනකින් සමන්විත එක්දින තරගාවලියේ ඊයේ පැවති පළමු තරගය ජයගැනීමත් සමඟ මෙතෙක් එක්දින ආකෘතිය තුළ මුල්තැන ගෙන සිටි පාකිස්ථානය දෙවැනි තැනට පත්කරමින් ඉන්දියාව එහි පෙරමුණ ගත්තා.
මේ සමඟයි ඉන්දියාවට ටෙස්ට්, එක්දින සහ විස්සයි විස්ස යන තරග ආකෘති තුනේම පළමු ස්ථානයට පැමිණීමට හැකියාව ලැබුණේ.
ඒ අනුව ටෙස්ට් තරග රටාව තුළ ලකුණු 118ක්, එක්දින තරග රටාව තුළ ලකුණු 116ක් සහ විස්සයි විස්ස තරග ආකෘතිය තුළ ලකුණු 264ක් ශ්‍රේණිගත කිරීමවල දී ඉන්දියාව ලබාගෙන සිටිනවා.
