හෙරොයින් ග්‍රෑම් 3.58 සන්තකයේ තබා ගැනීම හා ජාවාරම් කිරීම සම්බන්ධයෙන් චෝදනා දෙකකට වරදකාරිය කරනු ලැබූ තිදරු මවකට කොළඹ ප්‍රධාන මහාධිකරණ විනිසුරු ආදිත්‍ය පටබැඳිගේ මහතා ජීවිතාන්තය දක්වා සිරදඬුවම් නියම කළා.
විජේසිංහ ආරච්චිගේ නිරෝෂා නමැති එම විත්තිකාරියට එරෙහිව ගොනු කළ චෝදනා දෙකම පැමිණිල්ල විසින් සාධාරණ සැකයකින් ඔබ්බට ඔප්පු කළ බව නිගමනය කළ විනිසුරුවරයා චෝදනා දෙකට වෙන් වෙන්ව ජීවිතාන්තය දක්වා සිරදඬුවම් අද (03) දිනයේ දී නියම කළ බවයි දසත අධිකරණ වාර්තාකාරිණිය පැවසුවේ.
2021 සැප්තැම්බර් 22 මෝදර පොලිසිය විසින් මට්ටක්කුලිය ප්‍රදේශයේ දී එම සැකකාරිය අත්අඩංගුවට ගන්නා අවස්ථාවේ දී හෙරොයින් ග්‍රෑම් 25.280 වැනි විශාල ප්‍රමාණයක් ළඟ තබාගෙන ඇත්තේ පුද්ගලික පාවිච්චියට නොව ජාවාරම් කිරීමට බව පැමිණිල්ල මෙහෙයවූ රජයේ අධිනීතිඥ නිමේෂාද අල්විස් මහත්මිය පෙන්වා දුන්නා.
මත්ද්‍රව්‍ය ජාවාරම නිසා රටේ සෑම පුරවැසියෙකුට ම පීඩා විඳින්නට සිදුවන බව පෙන්වා දුන් මහාධිකරණ විනිසුරුවරයා එම විත්තිකාරියට ම ලිහිල් දඬුවම් නියම කිරීමට නොහැකි බවක සඳහන් කළා.
ඒ අනුව මහාධිකරණ විනිසුරු ආදිත්‍ය පටබැඳිගේ මහතා එකී දඬුවම නියම කළ බවයි වාර්තා වන්නේ.
