තැපෑලට පුද්ගලික අංශයේ සහාය ගන්න සූදානමක්

ආදායම ඉහළ නංවා ගැනීම සඳහා තැපැල් දෙපාර්තමේන්තුවට පෞද්ගලික අංශයේ දායකත්වය ලබාගැනීමට කටයුතු කරන බව තැපැල්පති රංජිත් ආරියරත්න සඳහන් කරනවා.

ඒ, අනුව තැපැල් දෙපාර්තමේන්තුව සමඟ කෙටි කාලීන ආයෝජනයන් සඳහා එක්වන ලෙසයි පෞද්ගලික අංශය වෙත තැපැල්පතිවරයා ආරාධනා කර සිටියේ.

තැපැල් දෙපාර්තමේන්තුවේ තෝරාගත් අංශ කිහිපයකට පමණක් පෞද්ගලික අංශයේ සහාය ලබා ගැනීමට බලාපොරොත්තු වන බවයි ඔහු වැඩි දුරටත් පැවසුවේ.

මතුගම තැපැල් කාර්යාලයේ පැවති උත්සවයකින් අනතුරුව මාධ්‍ය වෙත අදහස් දක්වමින් තැපැල්පතිවරයා මෙම අදහස් පළකළා.