එළඹෙන පාර්ලිමේන්තු මහ මැතිවරණයට අදාළ ව තැපැල් ඡන්ද සලකුණු කිරීමට ලබා දී තිබූ අමතර කාලය අදින් (08) අවසන් වනවා.
මැතිවරණ කොමිෂන් සභාව නිවේදනය කළේ; තමන් සේවය කරන රාජකාරි ස්ථාන අවට පිහිටි දිස්ත්රික් ලේකම් කාර්යාල වෙත ගොස් සිය තැපැල් ඡන්දය සලකුණු කිරීම සිදු කළ හැකි බවයි.
ඒ අනුව ආරක්ෂක අංශයේ නියුතු පිරිස් සහ මැතිවරණ රාජකාරි කටයුතුවල යෙදෙන රාජ්ය නිලධාරින් හට මෙම අවස්ථාව අද දිනයේදිත් හිමිවනු ඇති.
ඔක්තෝබර් 30, නොවැම්බර් 01 සහ 04 යන තෙදින මැතිවරණ කොමිෂන් සභාවෙන් තැපැල් ඡන්ද සලකුණු කිරීමට ප්රධාන දින ප්රකාශයට පත් කරනු ලැබුවා.
එම දින තුනේදිම ඡන්දය භාවිත කිරීමට නොහැකි වූ රාජ්ය සේවකයින්ට ආරක්ෂක අංශ නිලධාරින්ට අද දිනයේ දී මෙම අවසන් අවස්ථාව තැපැල් ඡන්ද සලකුණු කිරීම වෙනුවෙන් ලැබෙනු ඇති.
මේ අතර එළඹෙන සඳුදා (11) මධ්යම රාත්රී 12 සිට නිහඬ කාලය උදා වනවා.
ඒ අනුව එදින මැදියම් රැයෙන් පසු කිසිදු මැතිවරණ ප්රචාරණ කටයුත්තක් සිදු කිරීමට අවස්ථාව හිමිවන්නේ නැහැ.
