දිවයින පුරා ප්රදේශවල නිවාස හා රන් භාණ්ඩ වෙළෙඳසැල් 21ක් බිඳ එහි තිබූ රුපියල් කෝටි ගණනක මුදල්, රන් භාණ්ඩ හා ජංගම දූරකථන කොල්ලකෑ වයසින් ළාබාල වියෙහි පසුවන කණ්ඩායමක් පොලිස් අත් අඩංගුවට ගෙන තිබෙනවා.
මෙම සැකකරුවන් කණ්ඩායම යාපනයෙන් පැමිණ විවිධ ප්රදේශවල කොල්ලකෑම් සිදු කර ඇති බවයි හෙළිව ඇත්තේ.
ගම්පොළ – ගලහා පොලිසිය විසින් සිදු කරන විමර්ශනයකින් අනතුරුව මෙම සැකකරුවන් අත් අඩංගුවට ගනු ලැබුවා.
ඔවුන් යාපනය ප්රදේශයේ සොරකම් තුනක් ද, වව්නියා – ඉච්චකුලම් ප්රදේශයේ සොරකම් 04ක් ද, යාපනය කයිට්ස් හි සොරකම් 03ක් ද, වවුනියා – මාමණ්ඩු හි සොරකම් 03ක් ද සිදු කර තිබෙනවා.
ඉන් අනතුරුව මහනුවර – ගම්පොළ – ගලහා ප්රදේශයේ සොරකම් 07ක් සහ නුවරඑළිය – කඳපොළ ප්රදේශයේ ද සොරකම් 07ක් සිදු කර ඇති බවයි වාර්තා වන්නේ.
මොවුන්ගේ ප්රධාන ඉලක්කය වී ඇත්තේ ඒ ඒ ප්රදේශවල රන් භාණ්ඩ වෙළඳසැල්, කෝවිල්වල මුදල් පෙට්ටි හා ජංගම දුරකථන බවත් හෙළි ව තිබෙනවා.
ගලහා ප්රදේශයේ රන් භාණ්ඩ වෙළඳසැල් තුනක්, කෝවිලක් හා ඖෂධ වෙළඳසැලක් බිඳ රන් භාණ්ඩ ඇතුළු දේපළ සොරාගෙන ඇති අතර ඖෂධ හලෙන් රුපියල් ලක්ෂ 12ක් ද සොරාගෙන තිබෙනවා.
මොවුන්ට යාපනය අධිකරණ බල ප්රදේශයෙන් පමණක් වරෙන්තු 09ක් නිකුත් කර ඇති බවයි ගලහා පොලිසිය පැවසුවේ.
සැකකරුවන් වයස අවුරුදු 19ත් 26ත් අතර පසුවන්නන්.
සිද්ධිය සම්බන්ධයෙන් වැඩිදුර විමර්ශන ක්රියාත්මකයි.
