ආසියා – පැසිෆික් සමුළුවකදී එක්සත් ජනපද ජනාධිපති ජෝ බයිඩන් හමු වූ තායිවානයේ නියෝජිතයා නුදුරු අනාගතයේ දී තායිවානයට පැමිණෙන ලෙස ඔහුට ආරාධනා කර තිබෙනවා.
ආසියා පැසිෆික් ආර්ථික සහයෝගිතා සංසදය තායිවානය සහ චීනය යන රටවල් දෙකම සහභාගී වන ජාත්‍යන්තර රැස්වීම් කිහිපයෙන් එකක්.
ලීමා හි පැවති APEC සමුළුවට සමගාමීව රැස් වූ තායිවානයේ නියෝජිතයා පසුගිය වසර හතර තුළ එක්සත් ජනපද-තායිවාන සබඳතා ප්‍රවර්ධනය කිරීම සඳහා බයිඩන් දැක්වූ දායකත්වය වෙනුවෙන් ස්තූතිය පුද කළ බව තායිවානයේ නියෝජිතයින් නිවේදනයක් නිකුත් කරමින් කියා සිටියා.
නුදුරු අනාගතයේ දී ඔහුගේ පහසුව අනුව තායිවානයට පැමිණෙන ලෙස ජනාධිපති බයිඩන්ට ආරාධනා කළ බව ද අදාළ නිවේදනයේ සඳහන්.
කැනේඩියානු අගමැති ජස්ටින් ටෘඩෝ සංවාදයට සවන් දුන් බව ද එහි දැක්වෙනවා.
තායිවාන නියෝජිතයා මෙම සමුලුවට සමගාමීව රාජ්‍ය ලේකම් ඇන්ටනි බ්ලින්කන් හමු වී තායිවානය-එක්සත් ජනපදය අඛණ්ඩව ශක්තිමත් කිරීම පිළිබඳ අදහස් හුවමාරු කරගෙන තිබෙනවා.
