ඇමරිකා එක්සත් ජනපදය පදනම් කරගත් ඛනිජ තෙල් බෙදාහැරීමේ සමාගමක් වන RM Parks ලබන දෙසැම්බර් මාසයේ ශ්‍රී ලංකාවේ මෙහෙයුම් ආරම්භ කරන බව විදුලිබල හා බලශක්ති අමාත්‍ය කාංචන විජේසේකර ප්‍රකාශ කර තිබෙනවා.
RM Parks සමාගම විසින් ඔවුන්ගේ මූලික ගෙවීම රජය වෙත තැන්පත් කර ඇති බවටයි අමාත්‍යවරයා අනාවරණය කර ඇත්තේ.
එක්සත් ජනපදය පදනම් කරගත් සමාගම මුලින් ඉන්ධන පිරවුම්හල් 150ක් පවරාගෙන ඒවා ක්‍රියාත්මක කරනු ඇති. RM Parks සමාගමට නව පිරවුම්හල් ඉදිකර ශ්‍රී ලංකාව තුළ ක්‍රියාත්මක කිරීමට අවසරය ද පවතිනවා.
අමාත්‍යවරයා වැඩිදුරටත් කියා සිටියේ RM Parks ශ්‍රී ලංකා වෙළඳපොළට පිවිසි තුන්වන ජාත්‍යන්තර ඛනිජ තෙල් සමාගම බවයි.
පසුගිය ජුනි මාසයේදී, ශ්‍රී ලංකාව තුළ ඛනිජ තෙල් නිෂ්පාදන ආනයනය, ගබඩා කිරීම, බෙදා හැරීම සහ විකිණීම සඳහා දිගුකාලීන ගිවිසුමක් මත Shell සමඟ සහයෝගයෙන් රජය සහ RM Parks අතර ගිවිසුමක් අත්සන් කරනු ලැබුවා.
එමෙන්ම චීන ඛනිජ තෙල් දැවැන්තයා වන සිනොපෙක් මැයි මාසයේදී ගිවිසුමක් අත්සන් කරමින් ශ්‍රී ලංකා වෙළඳපොළට ඇතුළු වූ අතර එය දැනටමත් ඉන්ධන අලෙවිය ආරම්භ කර තිබෙනවා.
Sinopec සමාගමට ද තනිවම නව පිරවුම්හල් ඉදිකර ශ්‍රී ලංකාව තුළ ක්‍රියාත්මක කිරීමට අවසර පවතිනවා.
ඔස්ට්‍රේලියාවේ යුනයිටඩ් පෙට්‍රෝලියම් සමාගම ද නුදුරේදීම ශ්‍රී ලංකාවේ මෙහෙයුම් ආරම්භ කිරීමට බලාපොරොත්තුවෙන් පසුවනවා.
රට තුළ ක්ෂය වූ විදේශ සංචිත, ඉන්ධන ආනයනයට බාධාවක් වන බැවින් බලශක්ති අර්බුදය විසඳීම සඳහායි ශ්‍රී ලංකාව සිල්ලර ඉන්ධන වෙළඳපොළ තවත් විදේශීය සමාගම්වලට විවෘත කරනු ලැබුවේ.
