මේ වනවිට රට තුළ පවතින ඩෙංගු රෝග ව්යාප්තිය පාලනය කරගත හැකි මට්ටමේ පවතින බව සෞඛ්ය අමාත්ය නලින්ද ජයතිස්ස පවසනවා.
මාධ්ය වෙත අදහස් දක්වමින් අමාත්යවරයා පැවසුවේ, වෙනත් වසරවලට වඩා මෙම වසරේ ජුනි මාසයේ ඩෙංගු රෝගීන්ගේ යම් වැඩිවීමක් පෙන්නුම් කරන බවයි.
මෙම වසරේ මේ දක්වා වාර්තා වී ඇති සමස්ත ඩෙංගු රෝගීන් සංඛ්යාව 44,480ක් දක්වා ඉහළ ගොස් ඇති බව ජාතික ඩෙංගු මර්දන ඒකකය පවසනවා.
ඩෙංගු ආශ්රිත මරණ 28 ක් මේ දක්වා වාර්තා වී ඇති බව එම ඒකකය සඳහන් කළේ.
මේ අතර දිවයින පුරා ක්රියාත්මක විශේෂ මදුරු මර්දන වැඩසටහන යටතේ අද (20) දිනය තුළත් ක්රියාත්මක කෙරෙනවා.
ජාතික ඩෙංගු මර්දන ඒකකය පවසන්නේ පාසල්, රජයේ ආයතන, කර්මාන්තශාලා සහ ආගමික ස්ථානවල මදුරුවන් බෝවන ස්ථාන විශාල සංඛ්යාවක් හඳුනාගෙන ඇති බවයි.
ජාතික ඩෙංගු මර්දන ඒකකයේ ප්රජා වෛද්ය විශේෂඥ ප්රශිලා සමරවීර පැවසුවේ මෙම තොරතුරු කීට විද්යාත්මක සමීක්ෂණ මගින් අනාවරණය වූ බවයි.
උණ රෝගයෙන් පෙළෙන දරුවන් පාසල් යැවීමෙන් වළකින ලෙස ද වෛද්යවරිය දෙමාපියන්ට උපදෙස් දෙනවා.
මීට අමතරව, පාසල්වල ඩෙංගු පැතිරීම පාලනය කිරීම සඳහා කඩිනම් පියවර ගන්නා ලෙස පළාත් අධ්යාපන අධ්යක්ෂවරුන්ට උපදෙස් දී තිබෙනවා.
