වසරේ මේ දක්වා කාලය තුළ වාර්තා මෙරටින් වූ ඩෙංගු රෝගීන්ගේ සංඛ්යාව 76,000 සීමාව ඉක්මවා ගොස් තිබෙනවා.
ඒ අනුව මේ වනවිට මෙරටින් වාර්තාවන ඩෙංගු රෝගීන්ගේ සංඛ්යාව 76,044ක් බවයි ජාතික ඩෙංගු මර්දන ඒකකය සඳහන් කරන්නේ.
මේ අතර ඊයේ (19) දිනයේ දී පමණක් ඩෙංගු රෝගීන් 2,652 දෙනෙකු වාර්තා වී ඇති බව එම ඒකකය සඳහන් කළා.
එමෙන්ම ජූලි මාසයේ ගතවූ දින 19 තුළ පමණක් රෝගීන් 20,666ක් වාර්තා වී තිබෙනවා.
මෙම වසරේ මුල් මාස හයේ වාර්තා වූ ඩෙංගු රෝගීන්ගෙන් වැඩිම ප්රමාණයක් පසුගිය ජුනි මාසයේ දී වාර්තා වී ඇති අතර එම අගය 21,537ක්.
වසරේ මේ දක්වා කාලය තුළ ඩෙංගු රෝගය හේතුවෙන් මරණ 53ක් සිදුව තිබෙනවා.
