ඩෙංගු රෝගය මර්දනය හා පාලනය සම්බන්ධ තොරතුරු ලබාගැනීම සඳහා මෙහෙයුම් මැදිරියක් ස්ථාපිත කර තිබෙනවා.
ඒ, අනුව ජනතාවට 011 796 6366 යන දුරකථන අංකය ඔස්සේ මෙහෙයුම් මැදිරිය හා සම්බන්ධ විය හැකියි.
සඳුදා සිට සිකුරාදා දක්වා පෙරවරු 8.00 සිට පස්වරු 8.00 දක්වා මෙහෙයුම් මැදිරිය ක්රියාත්මකවන අතර, සෙනසුරාදා දිනවල ක්රියාත්මක වන්නේ පෙරවරු 8.00 සිට මධ්යහ්න 12.00 දක්වා පමණයි.
මෙහෙයුම් මැදිරිය හා සම්බන්ධ වීමෙන් ඩෙංගු රෝග ව්යාප්තිය පිළිබඳ තොරතුරු ලබාගැනීම, ඩෙංගු මදුරුවන් බෝවන ස්ථාන පිළිබඳ තොරතුරු වාර්තා කිරීම ඇතුළු සේවාවන් රැසක් ලබාගත හැකි බවයි රජයේ ප්රවෘත්ති දෙපාර්තමේන්තුව නිවේදනය කළේ.
මේ අතර ඩෙංගු අවදානම් සෞඛ්ය වෛද්ය නිලධාරී කොට්ඨාශ කේන්ද්ර කර ගනිමින් විශේෂ මදුරු මර්දන වැඩසටහනක් අද (24) සිට ආරම්භ වනවා.
ජාතික ඩෙංගු මර්දන ඒකකය පැවසුවේ අද (24) දිනයේ සිට දින තුනක් එය ක්රියාත්මක කරන බවයි.
මේ වන විට ඩෙංගු අවදානම් සහිත ලෙස පැතිර යන ග්රාම නිලධාරී කොට්ඨාශ සංඛ්යාව 669 දක්වා ඉහළ ගොස් ඇති අතර, මේ වන විට දිවයිනෙන් වාර්තා වී ඇති ඩෙංගු රෝගීන් සංඛ්යාව 47,530ක්.
එමෙන්ම ඩෙංගු මරණ 29ක් ද මේ වනවිට මෙරටින් මෙම වසර තුළ දී වාර්තා වනවා.
