ඩෙංගු මදුරුවන් බෝවන ස්ථාන පිළිබඳව දැනුම්දීම සඳහා විශේෂ දුරකථන අංකයක් හඳුන්වා දී තිබෙනවා.
ඒ, අනුව මදුරුවන් බෝවන ස්ථාන පිළිබඳව තොරතුරු ඇත්නම් 0117 966366 යන දුරකථන අංකයට දැනුම්දීමේ හැකියාව පවතිනවා.
ජාතික ඩෙංගු මෙහෙයුම් මැදිරිය ඇති මෙම අංකය මඟින් ඩෙංගු මදුරුවන් බෝවන ස්ථාන පිළිබඳ තොරතුරු සහ පැමිණිලි වාර්තා කිරීට අමතරව, ඩෙංගු රෝග ව්යාප්තිය පිළිබඳ තොරතුරු, මාධ්යවේදීන් සඳහා ඩෙංගු රෝග ව්යාප්තිය, මර්දනය සහ පාලනය සම්බන්ධ නිල තොරතුරු ලබාගැනීම, ඩෙංගු මර්දන කටයුතු වල නිරත රාජ්ය නිලධාරීන් සහ ස්වේච්ඡා සේවකයන්ට අවශ්ය උපදෙස් හා තොරතුරු ලබා ගැනීම මෙන්ම ඩෙංගු මර්දනයට අදාළ අනෙකුත් සියලු තොරතුරු ලබාදීමේ හා ලබා ගැනීමේ හැකියාව පවතිනවා.
ඩෙංගු රෝගය මර්දනය හා පාලනය සම්බන්ධයෙන් මහජනතාවට, මාධ්යවේදීන්ට මෙන්ම ඩෙංගු මර්දන කටයුතුවල නිරත රාජ්ය නිලධාරීන්ට සහ ස්වේච්ඡා සේවකයන්ට නිවැරදි, විශ්වසනීය හා කඩිනම් තොරතුරු ලබාදීමේ අරමුණින් ජාතික ඩෙංගු මෙහෙයුම් මැදිරිය ස්ථාපිත කර තිබෙනවා.
මෙම ජාතික ඩෙංගු මෙහෙයුම් මැදිරියේ කටයුතු නිරීක්ෂණය කිරීම සඳහා අද (05) ජනාධිපති ලේකම් ආචාර්ය නන්දික සනත් කුමානායක සහභාගී වුණා.
මෙහිදී දැනට වසංගතය පාලනය කිරීම සඳහා සිදු කර ඇති කාර්යයන් සහ ඉදිරියේදී ක්රියාත්මක කිරීමට නියමිත කාර්යයන් පිළිබඳව අවධානය යොමු වුණා.
