ලොව ප්‍රකට අමෙරිකානු ඉලෙක්ට්‍රොනික වාහන නිෂ්පාදන සමාගමක් වන ටෙස්ලා සමාගම ඔවුන්ගේ නවතම මෝටර් රථ 2000ක් නැවත කර්මාන්තශාලා වෙත කැඳවීමට තීරණය කර තිබෙනවා.
මීට හේතු වී ඇත්තේ මෝටර් රථවල පසුපස කැමරාවේ මතුව ඇති තාක්ෂණික දෝෂයක්.
ටෙස්ලා සමාගම මීට මාස දෙකකට පමණ පෙරත් වෙළඳපොළට නිකුත් කර තිබූ මෝටර් රථ මිලියන 2 කට ආසන්න ප්‍රමාණයක් නැවත කැඳවීමට තීරණය කළේ එම මෝටර් රථවල ස්වයංක්‍රීය ධාවන පද්ධතිය පරිපාලනය කෙරෙන පරිගණකය මෘදුකාංගයේ මතුවූ දෝෂ සහගත තත්ත්වයක් හේතුවෙන්.
අමෙරිකානු ජාතික මහාමාර්ග රථවාහන ආරක්ෂණ පරිපාලන ඒකකය සිදුකළ දැනුම්දීමකට අනුව මෙලෙස ආපසු කැඳවනු ලබන්නේ 2023 වර්ෂයේ ටෙස්ලා S, X සහ Y කාන්ඩයේ මෝටර් රථයි.
කෙසේ වෙතත් මෙම ගැටලුව හේතුවෙන් මෙතෙක් කිසිදු මරණ, තුවාල සිදුවීම් හෝ අනතුරු කිසිවක් වාර්තා වී නැතත් එම දෝෂය සම්බන්ධයෙන් ටෙස්ලා සමාගමෙන් වගකීම් හිමිකම් ඉල්ලා සිටි මෝටර් රථ 81 මේ වන විටත් හඳුනාගෙන තිබෙනවා.
