සමගි ජන බලවේගය සහ එක්සත් ජාතික පක්ෂයට එක් පක්ෂයක් ලෙස එකතු වී දේශපාලන ගමන යාමට කෘත්යාධිකාරි මණ්ඩලයේ අනුමැතිය හිමි ව තිබෙනවා.
ඊයේ (16) පස්වරුවේ මෙම අනුමැතිය හිමි වූ බවයි දසත වාර්තාකරු පැවසුවේ.
සමගි ජන බලවේගය පක්ෂයේ කෘත්යාධිකාරි මණ්ඩල රැස්වීම ඊයේ පස්වරුවේ පිටකෝට්ටේ සිය පක්ෂ මූලස්ථානයේ දී පැවැත්වුණා.
පස්වරු 05 සිට රාත්රී 08 තෙක් මෙම සාකච්ඡා පැවැත්වූ අතර සාකච්ඡාවෙන් අනතුරුව මාධ්ය වෙත අදහස් දක්වමින් විපක්ෂ නායක සජිත් ප්රේමදාස මහතා පැවසුවේ ආණ්ඩුව කී දේ සහ කරන දේ අතර විශාල පරතරයක් ඇති බවත් ඉදිරි මැතිවරණ සඳහා සියලු පක්ෂ සමග සාකච්ඡා කිරීමට අදාළ ව කමිටු පත් කර ඇති බවයි.
ජනාධිපතිවරයාගේ චීන සංචාරය බෙහෙවින් අගය කරමින් විපක්ෂ නායකවරයා පැවසුවේ එය දෙරට අතර සහයෝගීතාවට හොඳ බවයි.
මේ අතර සමගි ජන බලවේගය පක්ෂයේ මහලේකම් රංජිත් මද්දුම බණ්ඩාර මහතා ද මාධ්යය වෙත අදහස් දැක්වූවා.
ඔහු සඳහන් කළේ ඉදිරි මැතිවරණවල දී එක්සත් ජාතික පක්ෂය ඇතුළු සෙසු පක්ෂ සමග සාකච්ඡා කර තරග කිරීමට අදහස් කරන බවත් ඒ සඳහා අනුමැතිය හිමි වූ බවයි.
