අද (13) අලුයම ටිපර් රථයක් ප්රපාතයකට පෙරළීමෙන් එහි රියදුරු සහ සහායක බරපතළ තුවාල ලබා රෝහල්ගත කර තිබෙනවා.
මෙම ඛේදවාචකය සිදු ව ඇත්තේ මස්කෙළිය – හඟුරන්කෙත මාර්ගයේ දියි.
ටිපර් රථය අඩි 150ක් පමණ ප්රපාතයට ඇද වැටී ඇති බවයි අප වාර්තාකරු පැවසුවේ.
තුවාලකරුවන් නාවලපිටිය දිස්ත්රික් මහ රෝහල වෙත ඇතුළත් කිරීමට නෝටන්බ්රිජ් පොලිසිය සහ ප්රදේශවාසීන් එක් ව කටයුතු කර තිබෙනවා.
නල්ලතන්නිය සිට මවුස්සාකැලේ මංසන්ධිය දක්වා මාර්ග සංවර්ධන අධිකාරිය මගින් කාපට් අතුරා ප්රතිසංස්කරණය කිරිමේ සංවර්ධන ව්යාපෘතියට ගම්පොළ සිට මිශ්ර කරන ලද කාපට් ප්රවාහනය කර ආපසු ටිපර් රථය හඟුරන්කෙත දක්වා ධාවනය කරන අවස්ථාවේ දියි මාර්ගයෙන් පිටතට පැන ප්රපාතයට පෙරළී ගොස් ඇත්තේ.
නෝටන්බ්රිජ් – ගිනිගත්හේන ප්රධාන මාර්ගයේ ටැප්ලෝ හුළං වංගුව ප්රදේශයේ දි අනතුර සිදුව ඇති අතර රථයට දැඩි අලාභ හානි සිදු ව තිබෙනවා.
රියදුරුට නින්ද යාම අනතුරට හේතුව බවයි වාර්තා වන්නේ.
ටිපර් රථය අනතුරට පත් වූ ස්ථානයේ ම ඉකුත් වසරේ ශ්රී පාද වන්දනාවේ පැමිණි බස් රථයක් ප්රපාතයට පෙරළීමෙන් බස් රථයේ ගමන් ගත් වන්දනාකරුවන් තිදෙනෙකු ජීවිතක්ෂයට පත් වුණා.
